Astanada 27-28 qyrkúiek kúnderi kezekti aimaqtyq aýyl sharýashylyǵy jármeńkesi ótedi. Bul joly Almaty, Jetisý jáne Mańǵystaý oblystarynyń taýar óndirýshileri óz ónimderin usynady, dep habarlaidy Dalanews.kz
Jármeńkede et, balyq, sút ónimderi, bakaleia, kókónis pen jemis-jidektiń alýan túri usynylady. Barlyq taýar deldalsyz, tikelei fermerlerden jetkiziledi. Bul azyq-túliktiń qoljetimdiligin arttyrýǵa ári otandyq óndirýshilerdi qoldaýǵa baǵyttalǵan.
Astanaǵa shamamen 350 tonna ónim jetkiziledi. Onyń ishinde 110 tonna kókónis, 50 tonna jemis, 35 tonna et jáne et ónimderi, 20 myń dana jumyrtqa, 14 tonna balyq, 10 tonna sút ónimderi, 6 tonna qant, 6 tonna kúrish, 5 tonna bal jáne 100 tonnadan astam basqa da azyq-túlik bar.
Jármeńke qonaqtary aimaqtardan kelgen ónerpazdardyń kontserttik baǵdarlamasyn da tamashalai alady. Saýda tańǵy 9:00-den keshki 18:00-ge deiin jalǵasady.
Aita keteiik, biylǵy jármeńke dástúr boiynsha «Qazanat» atshabarynyń avtoturaǵynda (Qarqaraly tas joly, 1 mekenjaiy) ótedi. Is-shara ornyna №18, 37 jáne 303 avtobýstary qatynaidy.
