استانادا 27-28 قىركۇيەك كۇندەرى كەزەكتى ايماقتىق اۋىل شارۋاشىلىعى جارمەڭكەسى وتەدى. بۇل جولى الماتى، جەتىسۋ جانە ماڭعىستاۋ وبلىستارىنىڭ تاۋار وندىرۋشىلەرى ءوز ونىمدەرىن ۇسىنادى، دەپ حابارلايدى Dalanews.kz

جارمەڭكەدە ەت، بالىق، ءسۇت ونىمدەرى، باكالەيا، كوكونىس پەن جەمىس-جيدەكتىڭ الۋان ءتۇرى ۇسىنىلادى. بارلىق تاۋار دەلدالسىز، تىكەلەي فەرمەرلەردەن جەتكىزىلەدى. بۇل ازىق-تۇلىكتىڭ قولجەتىمدىلىگىن ارتتىرۋعا ءارى وتاندىق وندىرۋشىلەردى قولداۋعا باعىتتالعان.

استاناعا شامامەن 350 توننا ءونىم جەتكىزىلەدى. ونىڭ ىشىندە 110 توننا كوكونىس، 50 توننا جەمىس، 35 توننا ەت جانە ەت ونىمدەرى، 20 مىڭ دانا جۇمىرتقا، 14 توننا بالىق، 10 توننا ءسۇت ونىمدەرى، 6 توننا قانت، 6 توننا كۇرىش، 5 توننا بال جانە 100 توننادان استام باسقا دا ازىق-تۇلىك بار.

جارمەڭكە قوناقتارى ايماقتاردان كەلگەن ونەرپازداردىڭ كونسەرتتىك باعدارلاماسىن دا تاماشالاي الادى. ساۋدا تاڭعى 9:00-دەن كەشكى 18:00-گە دەيىن جالعاسادى.

ايتا كەتەيىك، بيىلعى جارمەڭكە ءداستۇر بويىنشا «قازانات» اتشابارىنىڭ اۆتوتۇراعىندا (قارقارالى تاس جولى، 1 مەكەنجايى) وتەدى. ءىس-شارا ورنىنا №18، 37 جانە 303 اۆتوبۋستارى قاتىنايدى.