Halyqaralyq volonterlik kúni qarsańynda elordanyń kommýnikatsiialar qyzmetinde ótken brifingte Jastar saiasaty máseleleri jónindegi basqarma basshysynyń mindetin atqarýshy Baǵdat Atymtai jumys barysy týraly aityp berdi.
Búgingi tańda elordada eriktiler uiymdarymen birlesip «BizBirgemiz», «Qaýipsiz qala», «Qamqorlyq mekenjailary», «Ardagerlerdi ardaqtaiyq», «Taza Alem» jáne t.b. aiasynda 780 aktsiia ótkizildi.
4 000 azyq-túlik sebeti, ystyq tamaq tasymaldaý, kiim men jihaz taratý, oqytý, adamdardy izdeý syndy san túrli kómek kórsetip keledi. Qala kásiporyndarymen birlesip qysqy kezeńde qar kúreý jumysy júrgizildi.
«Qamqorlyq mekenjailary» jobasy aiasynda eriktiler elorda aýlalarynda qar kúreý boiynsha 50 aktsiia uiymdastyrdy. Olar sondai-aq qystygúni zeinetkerlerge baryp, aýlasyn tazalaýǵa kómektesedi. Jyl saiyn aktsiialarǵa 1000-nan astam erikti tartylady.
– Jyl saiyn «Astana jastary» JRO qala boiynsha volonterlik baǵyttardy arttyrady, mysaly, biyl «Qaýipsiz qala» jobasy aiasynda volonterler halyq sanaǵy, gazdandyrý týraly halyqty aqparattandyrý, jylytý maýsymy men kóktemgi sý tasqyny kezindegi qaýipsizdik sharalary týraly turǵyndarǵa túsindirý, shomylý maýsymyndaǵy minez-qulyq, tyiym salynǵan zattardy satý týraly jarnamany boiaý jumystaryna turaqty negizde tartyldy.
Eriktiler aýyl sharýashylyǵy ónimderin satý boiynsha qalalyq jármeńkelerge, qalanyń jasyl jelekterin (aǵashtaryn) tirkeý jumysyna tartyldy, referendým kezinde jáne Prezidenttikke kezekten tys sailaý kezinde sailaý ýchaskelerine kómek kórsetti. Osyǵan súiene otyryp, qalalyq volonterler shtabymen yntymaqtastyqqa tek volonterlik uiymdar men olardyń qyzmetin alýshylar ǵana emes, sonymen qatar tirshilikti qamtamasyz etý mekemeleri de jumyldyrylatynyn baiqaýǵa bolady, – dedi Baǵdat Atymtai.
Sonymen qatar, eriktiler qalalyq jáne halyqaralyq is-sharalarǵa, forýmdarǵa, kontsertterge, sporttyq is-sharalarǵa gidter, aýdarmashylar, uiymdastyrýshylar, úilestirýshiler, tim-kóshbasshylar, dopingke qarsy baqylaýdy júrgizetin toptardyń imidji, animatorlar, adam aǵyndaryn basqarý, foto-beine túsirilim, qaýipsizdikti qamtamasyz etýge de belsendi túrde qatysyp keledi.
Biyldyń ózinde astanalyq eriktiler halyqaralyq jáne respýblikalyq deńgeidegi 140 is-sharaǵa qatysty.
Qalada turaqty negizde 50 volonterlik uiym men qozǵalys jumys isteidi, onyń 17-si múmkindigi shekteýli balalar men jastardy tárbielep otyrǵan otbasylarǵa kómek kórsetti. Ata-analar úshin treningter ótkiziledi, qajetti kómek ónimderin, zattar men turmystyq zattardy taratady, balalar men ata-analardy is-sharalarǵa shaqyrady.
– Elordada 50 jáne odan joǵary jastaǵy azamattar úshin azamattyq belsendiliktiń mańyzdy nysandarynyń biri kúmis dárejeli eriktiler bolyp sanalady. Astanada qoǵamnyń damýyna belsendi qatysatyn kúmis eriktiler qozǵalysy jumys isteidi. Kúmis eriktiler qatarynda 60-tan astam adam bar, – dedi spiker.
