Ákim qalany aralaý barysynda, turǵyndarmen kezdesýde de áleýmettik nysandar salý máselesi sóz etti. Ákimdik kólem boıynsha qazirgi deńgeıdi saqtap qana qoımaı áleýmettik nysandardyń (mektepter, medısınalyq pýnkter, áleýmettik turǵyn úıler jáne t.b.) sanyn da arttyrýdy kózdep otyr.
Aıtalyq, aldaǵy oqý jylyna qalada 13 mektep salýdy josparlanýdaBudan bólek, Memleket basshysynyń tapsyrmasy boıynsha «Jaıly mektep» ulttyq jobasy aıasynda 100 myń oqýshy ornyna (2 aýysymdy) arnalǵan 25 iri mektepti jobalaý jumysy bastaldy. Jańa formattaǵy bilim ordalarynyń qurylysyn 2023 jyly bastalady.
– Aldaǵy jyly jekemenshik balabaqshalarǵa arnap 9 myń orynǵa arnalǵan qosymsha memlekettik tapsyrys berýdi, sol arqyly balalardy mektepke deıingi tárbıemen qamtýdy arttyrýdy josparlap otyrmyz, – dedi Jeńis Qasymbek.
Búgin Astananyń qarqyndy damyp kele jatqan aýdanda №98 «Mıras» memlekettik balabaqshasy ashyldy. Balabaqshanyń syıymdylyǵy 300 balaǵa arnalǵan.
Munda oıyn jáne mýzyka bólmelerinen bólek pedıatr, logoped, psıholog kabınetteri, sondaı-aq emdeý kabıneti qarastyrylǵan medısınalyq kabınet bar.
– Bul mekemede ınklúzıvti bilim berýge de jaǵdaı jasalǵan. Balabaqsha 2023 jyldyń qańtarynan bastap tolyq jumys isteıtin bolady, – dedi Jeńis Qasymbek.
