Ótken jyldyń tamyz aiynan bastap qalalyq sport ortalyǵynda Astana qalasynyń Dene shynyqtyrý jáne sport basqarmasy vedomstvolyq baǵynystaǵy uiymdaryna tereńdetilgen meditsinalyq tekserýler júrgizýdi bastaǵan. Biyl 1, 2, 4, 5, 8 BJMORSM-men Olimpiadalyq sport túrleri boiynsha sportty damytý direktsiiasyna, olimpiadalyq emes sport túrlerinen sportty damytý direktsiiasyna meditsinalyq tekserýler júrgizdi. Meditsinalyq tekseristen ótken sportshylardyń jalpy sany shamamen 6575 adamdy quraǵan.
Búginde qalada sportshylar tarapynan qandaida bir shaǵymdar men ótinishter bolǵan jaǵdaida fizioterapiialyq qyzmet kórsetý, sportshylardy saýyqtyrý, ońaltý jáne qalpyna keltirý jumysy júrgiziletinin aita ketýimiz kerek.
– Ortalyqtyń biregeiligi – sportpen belsendi shuǵyldanyp, salaýatty ómir saltyn ustanatyn adamdarǵa, kásibi sportshylarǵa diagnostikalaý, ońaltý, qalpyna keltirý jáne emdeý boiynsha keń túrli meditsinalyq qyzmet kórsetedi. Bizdiń Sporttyq meditsinalyq ortalyq sońǵy ozyq úlgidegi arnaiy meditsinalyq jabdyqtarymen jabdyqtalǵan. Endi sportshylar basqa qalalarǵa, shetelderge barmai-aq, jeke klinikalarǵa nemese jeke mamandarǵa júginbei-aq, meditsinalyq diagnostika, dene daiarlyǵy men qimyl-qozǵalysynyń deńgeiin anyqtaityn keshendi testileýden óte alady, – dedi Azamat Erqasymov.
Biyl ortalyq qosymsha mamandandyrylǵan meditsinalyq, ońaltý jáne fizioterapiialyq jabdyqtardy satyp alýdy josparlap otyr. Bul jarystardan nemese jaraqattardan keiin sportshylardy qalpyna keltirý jáne ońaltý isin jedeldetýge múmkindik beredi.
Sport meditsinasy jáne sport psihologiiasy boiynsha bapkerler men sportshylarǵa arnalǵan dárister kýrsyn bastaý josparlanyp otyr.
Astana meditsina ýniversitetimen jáne Nazarbaev ýniversitetimen sport salasynda ǵylymi zertteýler júrgizý, bolashaq jáne qazirgi sport meditsinasy dárigerlerin praktikalyq oqytý boiynsha yntymaqtastyq týraly memorandýmdarǵa qol qoiý josparlanǵanyn da aita ketýimiz kerek.
Ortalyqtyń aldaǵy jyldarǵa arnalǵan josparynda – quramyna sport meditsinasy dárigerleri, reabilitologtar, fizioterapevter, emdik jattyǵý nusqaýshylary, sport psihology, dietolog-nýtritssolog siiaqty mamandar kiretin keshendi ǵylymi top ashýdy kózdep otyr.
Toptyń maqsaty jańa ádisterdi, tehnologiialardy jáne sportshylarǵa arnalǵan usynystardy ázirleý jáne jetildirý arqyly sportshylar men meditsina qyzmetkerlerin daiyndaýdyń tiimdiligin arttyrý bolady.
