Elorda mektepterinde oqýshylar úshin zamanaýi qoqys jáshikteri ornatyldy. Ártúrli tústegi áinekke, qaǵazǵa, plastikke, bankalar men bótelkelerge arnalǵan bólek jáshikter balalardy tazalyq saqtaýǵa, qorshaǵan ortany lastamaýǵa úiretedi,- dep habarlaidy Dalanews.kz
Bul bastama «Jasyl klýb» jobasy aiasynda júzege asyrylyp otyr jáne qazirgi ýaqytta qalanyń 20 mektebinde qoldanysqa engizilgen. Jobanyń maqsaty – oqýshylardyń tabiǵatqa degen qundylyqty kózqarasyn qalyptastyrý jáne qorshaǵan ortany qorǵaý máseleleri boiynsha olardyń ekologiialyq saýattylyǵyn arttyrý.
Qoqys jáshikteri alǵash ret №103 orta mektepte qoiylǵan. Oqýshylarǵa yńǵaily bolý úshin olar ár synypqa jáne mekteptiń dálizderine ornalastyrylǵan.
«Bul – oqýshylardy qorshaǵan ortaǵa qamqorlyqpen jáne jaýapkershilikpen qaraýǵa úiretýdiń tamasha tásili. Qazirgi tańda balalar úirenip jatyr, qoqys jáshikteri lezde tolyp qalady», – deidi mektep direktory Janat Turysbekqyzy.
Aita keteiik, «Taza Qazaqstan» aktsiiasy aiasynda Astana mektepterinde birqatar bastama qolǵa alynǵan. Muǵalimder men oqýshylar qorshaǵan ortanyń tazalyǵyna arnalǵan túrli jobalarda birlese jumys istep keledi. Aldaǵy ýaqytta elorda mektepterinde jańa jobalardy iske asyrý josparlanyp otyr.
Elordada «Taza Qazaqstan. Astana – tazalyq pen tártiptiń úlgisi» atty keń aýqymdy ekologiialyq aktsiia jalǵasyp jatyr.
Ekologiialyq aktsiia aiasynda qalada nóserli jáne aryq júielerin sanitarlyq tazalaý, kóshelerdi, trotýarlardy, aýlalardy, qoǵamdyq keńistikter men turǵyn aimaqtardy tazartý jumystary júrgizilip jatyr.
