ەلوردا مەكتەپتەرىندە وقۋشىلار ءۇشىن زاماناۋي قوقىس جاشىكتەرى ورناتىلدى. ءارتۇرلى تۇستەگى اينەككە، قاعازعا، پلاستيككە، بانكالار مەن بوتەلكەلەرگە ارنالعان بولەك جاشىكتەر بالالاردى تازالىق ساقتاۋعا، قورشاعان ورتانى لاستاماۋعا ۇيرەتەدى،- دەپ حابارلايدى Dalanews.kz
بۇل باستاما «جاسىل كلۋب» جوباسى اياسىندا جۇزەگە اسىرىلىپ وتىر جانە قازىرگى ۋاقىتتا قالانىڭ 20 مەكتەبىندە قولدانىسقا ەنگىزىلگەن. جوبانىڭ ماقساتى – وقۋشىلاردىڭ تابيعاتقا دەگەن قۇندىلىقتى كوزقاراسىن قالىپتاستىرۋ جانە قورشاعان ورتانى قورعاۋ ماسەلەلەرى بويىنشا ولاردىڭ ەكولوگيالىق ساۋاتتىلىعىن ارتتىرۋ.
قوقىس جاشىكتەرى العاش رەت №103 ورتا مەكتەپتە قويىلعان. وقۋشىلارعا ىڭعايلى بولۋ ءۇشىن ولار ءار سىنىپقا جانە مەكتەپتىڭ دالىزدەرىنە ورنالاستىرىلعان.
«بۇل – وقۋشىلاردى قورشاعان ورتاعا قامقورلىقپەن جانە جاۋاپكەرشىلىكپەن قاراۋعا ۇيرەتۋدىڭ تاماشا ءتاسىلى. قازىرگى تاڭدا بالالار ۇيرەنىپ جاتىر، قوقىس جاشىكتەرى لەزدە تولىپ قالادى»، – دەيدى مەكتەپ ديرەكتورى جانات تۇرىسبەك قىزى.
ايتا كەتەيىك، «تازا قازاقستان» اكسياسى اياسىندا استانا مەكتەپتەرىندە ءبىرقاتار باستاما قولعا الىنعان. مۇعالىمدەر مەن وقۋشىلار قورشاعان ورتانىڭ تازالىعىنا ارنالعان ءتۇرلى جوبالاردا بىرلەسە جۇمىس ىستەپ كەلەدى. الداعى ۋاقىتتا ەلوردا مەكتەپتەرىندە جاڭا جوبالاردى ىسكە اسىرۋ جوسپارلانىپ وتىر.
ەلوردادا «تازا قازاقستان. استانا – تازالىق پەن ءتارتىپتىڭ ۇلگىسى» اتتى كەڭ اۋقىمدى ەكولوگيالىق اكسيا جالعاسىپ جاتىر.
ەكولوگيالىق اكسيا اياسىندا قالادا نوسەرلى جانە ارىق جۇيەلەرىن سانيتارلىق تازالاۋ، كوشەلەردى، تروتۋارلاردى، اۋلالاردى، قوعامدىق كەڭىستىكتەر مەن تۇرعىن ايماقتاردى تازارتۋ جۇمىستارى جۇرگىزىلىپ جاتىر.
