Esterińizge salsaq, daýys berý 6 qarashadan bastaý alyp, 26 qarashaǵa deiin jalǵasyn tapty. Daýys berý júiesine 100 000-ǵa jýyq adam tirkelgen. «Elorda jastary syilyǵy» – biyl Jastar jyly aiasynda Nur-Sultan qalasy ákimdiginiń qoldaýymen Elordamyzdyń belsendi jastaryna demeý bolý, tabysty jastardyń idealyn qalyptastyrý maqsatynda uiymdastyrylyp jatqan aýqymdy joba.
Jobanyń maqsaty – jańa qyrymen tanylǵan jastarǵa óz jetistigin jariia etip, laiyqty marapatyn alýǵa múmkindik jasaý, olardyń jetken jetistikterin halyq arasynda tanytyp, dáripteý, básekege qabiletti jáne kásibi sheberligi joǵary mamandardy qalyptastyrý.
«Elorda jastary syilyǵy 2019» jobasyna 14 pen 29 jas aralyǵyndaǵy Nur-Sultan qalasynyń jastary kelesi nominatsiialar boiynsha baqtaryn synaǵan bolatyn: «Ǵylym», «Zamanaýi shyǵarmashylyq óner», «Jýrnalistika», «Qoǵamdyq qyzmet», «Sport, Kino jáne teatr», «Estrada», «Áleýmettik salanyń úzdik qyzmetkeri», «Óndiristiń úzdik qyzmetkeri», «Jas kásipker», «Jyl volontery», «Jyl stýdenti», «Úzdik memlekettik qyzmetker», «Úzdik jastar teatry», «Ulttyq óner».
Jeńimpazdardy marapattaý rásimi 8 jeltoqsan kúni «Beibitshilik jáne Kelisim saraiynda» elimizge tanymal, mádeniet jáne qoǵam qairatkerleriniń qatysýymen ótedi. Keshte qazaq estradasynyń juldyzdary óner kórsetetin bolady. Jeńimpazdarǵa aqshalai syilyq pen arnaiy statýetka tabystalady.
