ەستەرىڭىزگە سالساق، داۋىس بەرۋ 6 قاراشادان باستاۋ الىپ، 26 قاراشاعا دەيىن جالعاسىن تاپتى. داۋىس بەرۋ جۇيەسىنە 100 000-عا جۋىق ادام تىركەلگەن. «ەلوردا جاستارى سىيلىعى» – بيىل جاستار جىلى اياسىندا نۇر-سۇلتان قالاسى اكىمدىگىنىڭ قولداۋىمەن ەلوردامىزدىڭ بەلسەندى جاستارىنا دەمەۋ بولۋ، تابىستى جاستاردىڭ يدەالىن قالىپتاستىرۋ ماقساتىندا ۇيىمداستىرىلىپ جاتقان اۋقىمدى جوبا.
جوبانىڭ ماقساتى – جاڭا قىرىمەن تانىلعان جاستارعا ءوز جەتىستىگىن جاريا ەتىپ، لايىقتى ماراپاتىن الۋعا مۇمكىندىك جاساۋ، ولاردىڭ جەتكەن جەتىستىكتەرىن حالىق اراسىندا تانىتىپ، دارىپتەۋ، باسەكەگە قابىلەتتى جانە كاسىبي شەبەرلىگى جوعارى مامانداردى قالىپتاستىرۋ.
«ەلوردا جاستارى سىيلىعى 2019» جوباسىنا 14 پەن 29 جاس ارالىعىنداعى نۇر-سۇلتان قالاسىنىڭ جاستارى كەلەسى نوميناسيالار بويىنشا باقتارىن سىناعان بولاتىن: «عىلىم»، «زاماناۋي شىعارماشىلىق ونەر»، «جۋرناليستيكا»، «قوعامدىق قىزمەت»، «سپورت، كينو جانە تەاتر»، «ەسترادا»، «الەۋمەتتىك سالانىڭ ۇزدىك قىزمەتكەرى»، «ءوندىرىستىڭ ۇزدىك قىزمەتكەرى»، «جاس كاسىپكەر»، «جىل ۆولونتەرى»، «جىل ستۋدەنتى»، «ۇزدىك مەملەكەتتىك قىزمەتكەر»، «ۇزدىك جاستار تەاترى»، «ۇلتتىق ونەر».
جەڭىمپازداردى ماراپاتتاۋ ءراسىمى 8 جەلتوقسان كۇنى «بەيبىتشىلىك جانە كەلىسىم سارايىندا» ەلىمىزگە تانىمال، مادەنيەت جانە قوعام قايراتكەرلەرىنىڭ قاتىسۋىمەن وتەدى. كەشتە قازاق ەستراداسىنىڭ جۇلدىزدارى ونەر كورسەتەتىن بولادى. جەڭىمپازدارعا اقشالاي سىيلىق پەن ارنايى ستاتۋەتكا تابىستالادى.
