Maqsut Narikbayev University stýdentteri 1 kýrs stýdentterin qabyldaý keshi aıasynda sahnada 25 metrlik "Taza Qazaqstan" týyn jelbiretip, erekshe aksıa ótkizdi, – dep habarlaıdy Dalanews.kz Astana qalasy ákiminiń baspasóz qyzmetine silteme jasap.

Jaqsylyq Úshkempirov atyndaǵy Jekpe-jek saraıynda ótken is-sharaǵa 5000-nan astam qatysýshy jınaldy.

– Ekologıa – bul jaı ǵana sán trendi emes, bul – bizdiń búginimiz jáne bolashaǵymyz. Ekologıalyq bastamalardy qoldaı otyryp, biz áreket etýge daıyn ekenimizdi kórsetemiz. Biz qarapaıym daǵdydan bastaı alamyz: qoqys tastamaý, senbilikterge qatysý, dostaryńyz ben jaqyndaryńyz arasynda ekologıalyq habardarlyqty nasıhattaý, – dep atap ótti aksıaǵa qatysýshylardyń biri, birinshi kýrs stýdenti.

Astanada "Taza Qazaqstan". Astana – tazalyq pen tártiptiń úlgisi" aksıasy jalǵasýda.

Ekoaksıa sheńberinde shaharda qalany, nóser jáne aryq káriz jelilerin sanıtarlyq tazalaý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary júrgizilýde.