Búginde qalada múmkindigi shekteýli balalardy tárbıelep otyrǵan otbasylarǵa erekshe kóńil bólinýde. Aldaǵy ýaqytta elordada eki ońaltý ortalyǵy salynbaqshy. Sondaı-aq, turǵyn úılerdiń qurylysy barysynda birinshi qabattarda emhana, balabaqsha, ońaltý ortalyǵy sıaqty áleýmettik nysandardy ashý kózdelýde.
Úkimettik emes uıymdarmen kezdesý barysynda Altaı Kólginov ákimdik erekshe qajettilikteri bar balalarǵa arnalǵan ońaltý ortalyqtary jelisin keńeıtýde qoldaý kórsetetinin atap ótti.
Azamattardy qabyldaý barysynda erekshe qajettiligi bar bala tárbıelep otyrǵan Aqmaral esimdi ana medısınalyq kómek máselesin kóterdi. Suraq jumysqa alyndy. Invataksı sanyn 33-ten 50-ge deıin arttyrý josparlanýda. Úsh aı ishinde elorda ákimi Altaı Kólginov 500-den astam adamdy qabyldaǵan. Azamattardy qabyldaý apta saıyn ótedi.
Kelip túsken árbir ótinish boıynsha jumystar júrgiziledi. Turǵyndardy qabyldaý aýdandyq ákimdikterde jáne «Januıa» otbasy ınstıtýtynyń qoldaý ortalyǵynda ótedi. Ortalyqta «bir tereze» qaǵıdaty boıynsha qala turǵyndaryna 70-ten astam memlekettik qyzmet kórsetiledi. Ortalyq ashylǵan sátten bastap 8 apta ishinde mamandar 4,5 myńnan astam adamdy qabyldady.
