Búginde qalada múmkindigi shekteýli balalardy tárbielep otyrǵan otbasylarǵa erekshe kóńil bólinýde. Aldaǵy ýaqytta elordada eki ońaltý ortalyǵy salynbaqshy. Sondai-aq, turǵyn úilerdiń qurylysy barysynda birinshi qabattarda emhana, balabaqsha, ońaltý ortalyǵy siiaqty áleýmettik nysandardy ashý kózdelýde.
Úkimettik emes uiymdarmen kezdesý barysynda Altai Kólginov ákimdik erekshe qajettilikteri bar balalarǵa arnalǵan ońaltý ortalyqtary jelisin keńeitýde qoldaý kórsetetinin atap ótti.
Kelip túsken árbir ótinish boiynsha jumystar júrgiziledi. Turǵyndardy qabyldaý aýdandyq ákimdikterde jáne «Januia» otbasy institýtynyń qoldaý ortalyǵynda ótedi. Ortalyqta «bir tereze» qaǵidaty boiynsha qala turǵyndaryna 70-ten astam memlekettik qyzmet kórsetiledi. Ortalyq ashylǵan sátten bastap 8 apta ishinde mamandar 4,5 myńnan astam adamdy qabyldady.
