بۇگىندە قالادا مۇمكىندىگى شەكتەۋلى بالالاردى تاربيەلەپ وتىرعان وتباسىلارعا ەرەكشە كوڭىل بولىنۋدە. الداعى ۋاقىتتا ەلوردادا ەكى وڭالتۋ ورتالىعى سالىنباقشى. سونداي-اق، تۇرعىن ۇيلەردىڭ قۇرىلىسى بارىسىندا ءبىرىنشى قاباتتاردا ەمحانا، بالاباقشا، وڭالتۋ ورتالىعى سياقتى الەۋمەتتىك نىسانداردى اشۋ كوزدەلۋدە.
ۇكىمەتتىك ەمەس ۇيىمدارمەن كەزدەسۋ بارىسىندا التاي كولگىنوۆ اكىمدىك ەرەكشە قاجەتتىلىكتەرى بار بالالارعا ارنالعان وڭالتۋ ورتالىقتارى جەلىسىن كەڭەيتۋدە قولداۋ كورسەتەتىنىن اتاپ ءوتتى.
ازاماتتاردى قابىلداۋ بارىسىندا ەرەكشە قاجەتتىلىگى بار بالا تاربيەلەپ وتىرعان اقمارال ەسىمدى انا مەديسينالىق كومەك ماسەلەسىن كوتەردى. سۇراق جۇمىسقا الىندى. ينۆاتاكسي سانىن 33-تەن 50-گە دەيىن ارتتىرۋ جوسپارلانۋدا. ءۇش اي ىشىندە ەلوردا اكىمى التاي كولگىنوۆ 500-دەن استام ادامدى قابىلداعان. ازاماتتاردى قابىلداۋ اپتا سايىن وتەدى.
كەلىپ تۇسكەن ءاربىر ءوتىنىش بويىنشا جۇمىستار جۇرگىزىلەدى. تۇرعىنداردى قابىلداۋ اۋداندىق اكىمدىكتەردە جانە «جانۇيا» وتباسى ينستيتۋتىنىڭ قولداۋ ورتالىعىندا وتەدى. ورتالىقتا «ءبىر تەرەزە» قاعيداتى بويىنشا قالا تۇرعىندارىنا 70-تەن استام مەملەكەتتىك قىزمەت كورسەتىلەدى. ورتالىق اشىلعان ساتتەن باستاپ 8 اپتا ىشىندە ماماندار 4،5 مىڭنان استام ادامدى قابىلدادى.
