Elorda. Balalardyń jańajyldyq shyrsha toiy ótti
Qala ákiminiń orynbasary Baqtiiar Máken balaqailardy kele jatqan jańa jyl meiramymen quttyqtap, syi-siiapattardy tabys etti.
– Barshańyzdy kele jatqan jańa jyl merekesimen shyn júrekten quttyqtaimyn! Sizderge baqytty balalyq shaq, jaqsylyq ataýlynyń bárin tileimin! Júzderińizden kúlki ketpesin! Elimizdiń erteńgi kúni sizderdiń qoldaryńyzda. Qazirgi tańda Nur-Sultanda arnaiy «Qaiyrymdy qala» degen úlken aktsiia bastadyq. Sonyń aiasynda kishkentai búldirshinderimizdi shaqyryp, merekelik kóńil-kúi syilaǵymyz keldi. Azdaǵan syi-siiapattarymyz bar. Mektepte sabaqtaryńyzdy jaqsy oqyp, erteńgi elimizdiń bilimdi azamaty bolýlaryńyzǵa tilekshimin, – dedi ol.
Sondai-aq, ákim orynbasary sóz arasynda oqýshylarǵa bilim nárin berip júrgen ustazdar qaýymyna erekshe alǵys bildirip ótti.
«Osyǵan deiin «Qaiyrymdy qala» aktsiiasy aiasynda áleýmettik az qamtylǵan otbasydan shyqqan búldirshinderge delfinder shoýyn uiymdastyrǵan bolatynbyz. Sol siiaqty túrli is-sharalar ótti. Búgin mine qalamyzdaǵy kórikti oryndardyń birinde shyrsha toiyn ózderińizben ótkizip otyrmyz. Memleket basshysy óskeleń urpaqtyń bilimdi azamat bolyp ósýi úshin qolaily jaǵdai jasap otyr. Biz sizderge senim artamyz», – dep B. Máken jyly lebizin bildirdi.
«Nur-Sultan qalasynyń ákimdigi áleýmettik az qamtylǵan, kópbalaly otbasylardan shyqqan balalarǵa, múmkindigi shekteýli búldirshinderge qaiyrymdylyq ailyǵyn ótkizip keledi.
Mine osynyń aiasynda jańa jyl merekesiniń qarsańynda Mega Silk Way óziniń Happylon aýmaǵynda shyrsha toiyn uiymdastyryp otyr. Al búldirshinderge syilyqtardy «Nurly Astana» korporativtik qory jetkizdi.
Syilyqtardyń arasynda Germaniiada óndirilgen jańajyldyq táttiler de bar. Búgingi merekelik jiynǵa qalamyzdyń 10-nan astam mektebinen joǵaryda aitylǵan sanattaǵy 150-ge tarta bala keldi», - dedi elorda ákimdigi apparatynyń bas mamany Sáýle Beisembaeva. Shyrsha toiy barysynda balalarǵa Happylon ishindegi kóńil kótererlik attraktsionnyń bári bir saǵat ishinde tegin boldy.
