– Ótken aptalarda ádettegideı azamattardy jeke qabyldadym. Osyǵan deıin aıtqanymdaı, biz problemalardy sheshý isine tek dálme-dál ǵana emes, sol sıaqty júıeli deńgeıde de qaraýǵa tyrysamyz. Azamattardy qabyldaý kezinde, qala turǵyndarymen kezdesý barysynda kóterilgen máselelerdi negizge aldyq. Nátıjesinde ınfraqurylymdyq damý jospary men halyqtyń jyl saıynǵy ósýin, elorda joldaryna túsetin trafıktiń ulǵaıǵanyn eskere otyryp, 10 jáne odan da kóp jylǵa arnalǵan qalalyq kóliktiń biryńǵaı tehnıkalyq paıymyn ázirleýge arnalǵan keshendi kólik shemasynyń (KQT) tujyrymdamasyn qabyldadyq, – dedi elorda ákimi.
Osy rette ákimdik usynǵan mospar men tujyrymdamany qalalyq máslıhat qoldaǵanyn aıta ketýimiz kerek.
– Búgin nóser kárizin salý boıynsha júrgizilip jatqan jumystarǵa tolyǵyraq toqtalyp ótkim keledi. Máselen, ótken jyldyń ózinde biz 130 shaqyrymnan astam nóser kárizi men aryq-naýa júıesin salyp, 146 problemaly ýchaskede sý basý máselesin sheshtik.
Máselen, qalanyń eń problemaly tustarynyń biri – B.Momyshuly dańǵylynda sý basý problemasy sheshildi. Toqtaýsyz jaýǵan jaýyn kezinde kólikterdiń belshesinen sýǵa batatyny, sol sıaqty úrlemeli qaıyqtardyń jurttyń nazaryn aýdarǵany esterińizde bolar. Atalmysh dańǵylǵa nóser káriziniń magıstraldy kolektoryn saldyq. Bul kárizdiń uzyndyǵy 500 metrdi quraıdy – basy Daýylpaz kóshesinen bastalyp, Elim-aı kóshesine deıin (B.Momyshuly dańǵylyn qıyp ótedi) jalǵasady. Jańa oryn qoldanystaǵy nóser kárizi jelisiniń ótkizý qabiletin 1,5 ese arttyrýǵa múmkindik berdi.
Sonymen qatar, Jastar shaǵyn aýdanynda (Táshenov pen Amman kósheleriniń qıylysy) jetkizýshi kolektorlardy qaıta jańǵyrtý arqyly tazartý qurylysy salyndy. Jańa nysandardyń qýaty táýligine 42 myń tekshe metrden asady. Atalǵan nysan Táshenov, Baraev, Ýálıhanov, Pýshkın, Imanbaev kóshelerinde, Respýblıka dańǵylynyń joǵarǵy bóliginde, Táýelsizdik dańǵylynda sý basý máselesin sheshýge múmkindik berdi. Tazartý ǵımaratynyń ereksheligi – Esil ózenine quıylar aldynda jańbyr men erigen qar sýy súzgiden ótip, tazartylady. Telman eldi mekeninde tazartý qurylysy men magıstraldyq kolektor, sol sıaqty Prıgorodnyı eldi mekeninde jáne Alash tas joly boıyndaǵy logıstıkalyq ortalyq aýmaǵynda tazartý qurylysy salyndy. Sondaı-aq 2019 jyly Myńjyldyq aleıasy aýdanyndaǵy 2 ýchaskede nóser kárizi máselesi sheshilgen bolatyn.
Almaty aýdanynda (Sh.Qaldaıaqov kóshesi), jańa vokzal, Uly Dala dańǵyly boıynda jáne t.b. tustarda nóser káriziniń qurylysyn júrgizip jatyrmyz. Nóser kárizderi men tazartý ǵımaratynyń qurylysy men qýatyn ulǵaıtý boıynsha jumystar júıeli deńgeıde júrgizilip jatyr, – dedi elorda ákimi Altaı Kólginov.
