Elorda ákimi eki kúnde 54 turǵyndy qabyldady
«Elorda ákimi A.Kólginov senbi jáne jeksenbi kúnderi azamattardyń jeke qabyldaýynda 50-den turǵyndy qabyldady. Azamattardyń negizgi máseleleri qataryna, áleýmettik blok boiynsha turǵyn úi satyp alý, bilim alý, balalardy balabaqshalarǵa kezekke qoiý, ataýly áleýmettik kómek alý jáne taǵy basqa jatady», - dep jazylǵan qala ákimdiginiń Facebook paraqshasynda.
Sonymen qatar, aqparatta 20 qyrkúiek kúni qala ákimi A. Kólginov pen eńbek jáne halyqty áleýmettik qorǵaý ministri B. Nurymbetov az qamtylǵan otbasylarmen kezdeskeni aitylǵan.
«Ákim men ministr az qamtylǵan otbasylarmen kezdesip, AÁK alý, turǵyn úi alý, meditsinalyq kómek alý jáne t.b. tetikterin túsindirdi. Sol kúni qala ákimi A.Kólginov turǵyndardy Saryarqa aýdanynyń ákimdiginde ornalasqan Open akimat qabyldady», - delingen aqparatta. Vedomstvo málimetinde aitylǵandai, qala basshysy úsh aidan az ýaqyt ishinde 400 adamdy qabyldaǵan.
«Azamattardy qabyldaý aýdan ákimdigi men «Januia» otbasy institýtyn qoldaý ortalyǵynda júieli túrde júrgizilýde.
Ortalyqta «bir tereze» qaǵidaty boiynsha 70-ten astam memlekettik qyzmet kórsetiledi», - dep habarlaidy ákimdik.
