«ەلوردا اكىمى ا.كولگىنوۆ سەنبى جانە جەكسەنبى كۇندەرى ازاماتتاردىڭ جەكە قابىلداۋىندا 50-دەن تۇرعىندى قابىلدادى. ازاماتتاردىڭ نەگىزگى ماسەلەلەرى قاتارىنا، الەۋمەتتىك بلوك بويىنشا تۇرعىن ءۇي ساتىپ الۋ، ءبىلىم الۋ، بالالاردى بالاباقشالارعا كەزەككە قويۋ، اتاۋلى الەۋمەتتىك كومەك الۋ جانە تاعى باسقا جاتادى»، - دەپ جازىلعان قالا اكىمدىگىنىڭ Facebook پاراقشاسىندا.
سونىمەن قاتار، اقپاراتتا 20 قىركۇيەك كۇنى قالا اكىمى ا. كولگىنوۆ پەن ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ از قامتىلعان وتباسىلارمەن كەزدەسكەنى ايتىلعان.
«اكىم مەن مينيستر از قامتىلعان وتباسىلارمەن كەزدەسىپ، ااك الۋ، تۇرعىن ءۇي الۋ، مەديسينالىق كومەك الۋ جانە ت.ب. تەتىكتەرىن ءتۇسىندىردى. سول كۇنى قالا اكىمى ا.كولگىنوۆ تۇرعىنداردى سارىارقا اۋدانىنىڭ اكىمدىگىندە ورنالاسقان Open akimat قابىلدادى»، - دەلىنگەن اقپاراتتا. ۆەدومستۆو مالىمەتىندە ايتىلعانداي، قالا باسشىسى ءۇش ايدان از ۋاقىت ىشىندە 400 ادامدى قابىلداعان.
«ازاماتتاردى قابىلداۋ اۋدان اكىمدىگى مەن «جانۇيا» وتباسى ينستيتۋتىن قولداۋ ورتالىعىندا جۇيەلى تۇردە جۇرگىزىلۋدە.
ورتالىقتا «ءبىر تەرەزە» قاعيداتى بويىنشا 70-تەن استام مەملەكەتتىك قىزمەت كورسەتىلەدى»، - دەپ حابارلايدى اكىمدىك.
