Bıyl granttyń eń joǵarǵy somasy – 583 400 teńge (200 AEK). Jyl basynan beri komısıa 87 ótinishti qarap, onyń 37-in maquldady. Oǵan jumyssyz adamdar, kásipkerler, sol sıaqty ótinish bergen kezde Qazaqstan Respýblıkasynyń salyq zańnamasyna sáıkes biryńǵaı jıyntyq tólemdi tólegen azamattar memlekettik granttar alýǵa úmitkerler bolyp sanalady. Bul týraly qala ákimdiginiń resmı saıty habarlaıdy.
«Bastaý Bıznes» jobasy boıynsha kásipkerlik negizderine oqytý kýrsynan ótkeni týraly sertıfıkattyń bolýy mindetti shart bolyp sanalady, ony berý merzimi 3 jyldan aspaýy tıis.
Sertıfıkattyń bolýy boıynsha qysqa merzimdi kásiptik oqýdan ótken azamattar, ataýly áleýmettik kómek alýshylar qataryndaǵy áleýmettik az qamtylǵan jáne kópbalaly otbasylardyń músheleri, qonys aýdarýshylar men qandastar aıryqsha quqyqqa ıe bolady.
Memlekettik granttar qarajatyn qajetti eńbek quraldary, tehnologıalyq jabdyqtar, janýarlar, mal, qus, kóshetter, butalar, tuqymdar, kóshetter satyp alý, bıznes-jobany iske asyrý úshin úı-jaılardy jalǵa alýǵa aqy tóleý sekildi maqsatta paıdalanýǵa ruqsat etiledi.
Biraq tutynýshylyq maqsattarǵa, kredıttik qaryzdardy óteýge, jyljymaıtyn turǵyn úı satyp alýǵa jáne salýǵa, jer ýchaskelerin satyp alýǵa, aksızdeletin ónim óndirýge berilmeıdi.
Nur-Sultan qalasy ákimdiginiń halyqty jumyspen qamtý ortalyǵynyń mekenjaıy: Beıbitshilik kóshesi, 25, «Órken» BO, baılanys telefony: 95-44-24 (saǵat 8.30-dan 18.00-ge deıin, túski úzilis saǵat 13.00-den 14.30-ǵa deıin.)
