بيىل گرانتتىڭ ەڭ جوعارعى سوماسى – 583 400 تەڭگە (200 اەك). جىل باسىنان بەرى كوميسسيا 87 ءوتىنىشتى قاراپ، ونىڭ 37ء-ىن ماقۇلدادى. وعان جۇمىسسىز ادامدار، كاسىپكەرلەر، سول سياقتى ءوتىنىش بەرگەن كەزدە قازاقستان رەسپۋبليكاسىنىڭ سالىق زاڭناماسىنا سايكەس ءبىرىڭعاي جيىنتىق تولەمدى تولەگەن ازاماتتار مەملەكەتتىك گرانتتار الۋعا ۇمىتكەرلەر بولىپ سانالادى. بۇل تۋرالى قالا اكىمدىگىنىڭ رەسمي سايتى حابارلايدى.
«باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ كۋرسىنان وتكەنى تۋرالى سەرتيفيكاتتىڭ بولۋى مىندەتتى شارت بولىپ سانالادى، ونى بەرۋ مەرزىمى 3 جىلدان اسپاۋى ءتيىس.
سەرتيفيكاتتىڭ بولۋى بويىنشا قىسقا مەرزىمدى كاسىپتىك وقۋدان وتكەن ازاماتتار، اتاۋلى الەۋمەتتىك كومەك الۋشىلار قاتارىنداعى الەۋمەتتىك از قامتىلعان جانە كوپبالالى وتباسىلاردىڭ مۇشەلەرى، قونىس اۋدارۋشىلار مەن قانداستار ايرىقشا قۇقىققا يە بولادى.
مەملەكەتتىك گرانتتار قاراجاتىن قاجەتتى ەڭبەك قۇرالدارى، تەحنولوگيالىق جابدىقتار، جانۋارلار، مال، قۇس، كوشەتتەر، بۇتالار، تۇقىمدار، كوشەتتەر ساتىپ الۋ، بيزنەس-جوبانى ىسكە اسىرۋ ءۇشىن ءۇي-جايلاردى جالعا الۋعا اقى تولەۋ سەكىلدى ماقساتتا پايدالانۋعا رۇقسات ەتىلەدى.
ءبىراق تۇتىنۋشىلىق ماقساتتارعا، كرەديتتىك قارىزداردى وتەۋگە، جىلجىمايتىن تۇرعىن ءۇي ساتىپ الۋعا جانە سالۋعا، جەر ۋچاسكەلەرىن ساتىپ الۋعا، اكسيزدەلەتىن ءونىم وندىرۋگە بەرىلمەيدى.
نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعىنىڭ مەكەنجايى: بەيبىتشىلىك كوشەسى، 25، «وركەن» بو، بايلانىس تەلەفونى: 95-44-24 (ساعات 8.30-دان 18.00-گە دەيىن، تۇسكى ءۇزىلىس ساعات 13.00-دەن 14.30-عا دەيىن.)
