Elordada 6-9 naýryz aralyǵynda «Igi ister marafony» aiasynda 2 myńnan astam azyq-túlik sebetin taratý josparlanǵan. Ár otbasyǵa bir sebetten beriledi. Olardyń árqaisysynyń salmaǵy 25-27 keli. Ishinde jarma, makaron, kúnbaǵys maiy, kúrish, qaraqumyq, qant, shai, un, túrli táttiler, balalarǵa arnalǵan kámpitter, sol siiaqty kir jýǵysh untaq, sabyn, sýsabyn sekildi turmystyq himiianyń 20-ǵa jýyq ónimi bar.
– Biz barlyq muqtaj azamattarǵa arnaiy tizim boiynsha azyq-túlik sebetterin tarata bastadyq. Olardyń qatarynda qarttar, I, II, III toptaǵy múgedekter, múgedek balalardy tárbielep otyrǵan otbasylar, jalǵyz basty analar, kópbalaly otbasylar bar. Aktsiia aiasynda 6-9 naýryz aralyǵynda biz 2 myń otbasyǵa kómektesýdi josparlap otyrmyz. Mundai sharalar kesheni naýryz aiynyń sońyna deiin jalǵasady.
«Nur Otan» partiiasy elordalyq filialy tóraǵasynyń birinshi orynbasary Dáýlet Káribektiń aitýynsha, kómek elordanyń barlyq tórt aýdanynda turatyn otbasylarǵa kórsetiledi.
Óz kezeginde merekelik sebet alǵan elorda turǵyny Irina Revýtskaia alǵysyn bildirip, barlyq áielderdi kele jatqan 8 naýryz merekesimen quttyqtady.
– Quttyqtap kelgenderińizge kóp rahmet. «Nur Otan» men ákimdik, men sizderdiń adamdarǵa kómektesip jatqandaryńyzǵa óte qýanyshtymyn. Árine, odan da kóbirek kómek bolsa deimiz. Bizdi – áielderdi, er adamdardy da eshkim umytpasyn. Áielderdi 8 naýryz merekesimen quttyqtaimyn. Erler áielderge kóbirek kóńil bólsin. Bári jaqsy bolsyn. Eń bastysy, bárine densaýlyq pen sáttilik tileimin. Osylai merekelerde kelip turasyzdar. Sizderge myń alǵys, – dedi Irina Revýtskaia.
Merekelik sebetke ie bolǵan ózge turǵyndar da rizashylyqtaryn bildirip jatty. Búgin, iaǵni 6 naýryz kúni azyq-túlik sebetteri 1 myńnan astam otbasyǵa jetkizildi, ózgelerine jaqyn kúnderi taratylatyn bolady. Is-shara barysynda sanitarlyq normalar tolyqtai saqtalady.
https://www.youtube.com/watch?v=OiMiRSYC8fo
