ەلوردادا 6-9 ناۋرىز ارالىعىندا «يگى ىستەر مارافونى» اياسىندا 2 مىڭنان استام ازىق-تۇلىك سەبەتىن تاراتۋ جوسپارلانعان. ءار وتباسىعا ءبىر سەبەتتەن بەرىلەدى. ولاردىڭ ءارقايسىسىنىڭ سالماعى 25-27 كەلى. ىشىندە جارما، ماكارون، كۇنباعىس مايى، كۇرىش، قاراقۇمىق، قانت، شاي، ۇن، ءتۇرلى تاتتىلەر، بالالارعا ارنالعان كامپيتتەر، سول سياقتى كىر جۋعىش ۇنتاق، سابىن، سۋسابىن سەكىلدى تۇرمىستىق حيميانىڭ 20-عا جۋىق ءونىمى بار.
– ءبىز بارلىق مۇقتاج ازاماتتارعا ارنايى ءتىزىم بويىنشا ازىق-تۇلىك سەبەتتەرىن تاراتا باستادىق. ولاردىڭ قاتارىندا قارتتار، I، II، III توپتاعى مۇگەدەكتەر، مۇگەدەك بالالاردى تاربيەلەپ وتىرعان وتباسىلار، جالعىز باستى انالار، كوپبالالى وتباسىلار بار. اكسيا اياسىندا 6-9 ناۋرىز ارالىعىندا ءبىز 2 مىڭ وتباسىعا كومەكتەسۋدى جوسپارلاپ وتىرمىز. مۇنداي شارالار كەشەنى ناۋرىز ايىنىڭ سوڭىنا دەيىن جالعاسادى.
ال ايدىڭ سوڭىنا دەيىن ءبىز ودان دا كوپ وتباسىن قامتۋدى جوسپارلاپ وتىرمىز. بۇل شاراعا ءتۇرلى ۇيىمدار دەمەۋشىلىك ەتەدى. بۇل سەبەتتەردى ۇيلەرگە اكىمدىك قىزمەتكەرلەرى، پارتيا وكىلدەرى، قاراپايىم ازاماتتار، ەرىكتىلەر جەتكىزەدى. ءبىز وسى اكسيانى قولداۋعا، ازىق-تۇلىك سەبەتىن قالىپتاستىرۋعا جانە ونى مۇقتاج وتباسىلارعا جەتكىزۋگە بارلىق ادامداردى شاقىرامىز، – دەدى ەلوردانىڭ ىشكى ساياسات باسقارماسىنىڭ باسشىسى داۋرەن بابامۇراتوۆ.
«Nur Otan» پارتياسى ەلوردالىق فيليالى ءتوراعاسىنىڭ ءبىرىنشى ورىنباسارى داۋلەت كارىبەكتىڭ ايتۋىنشا، كومەك ەلوردانىڭ بارلىق ءتورت اۋدانىندا تۇراتىن وتباسىلارعا كورسەتىلەدى.
ءوز كەزەگىندە مەرەكەلىك سەبەت العان ەلوردا تۇرعىنى يرينا ريەۆۋسكايا العىسىن ءبىلدىرىپ، بارلىق ايەلدەردى كەلە جاتقان 8 ناۋرىز مەرەكەسىمەن قۇتتىقتادى.
– قۇتتىقتاپ كەلگەندەرىڭىزگە كوپ راحمەت. «Nur Otan» مەن اكىمدىك، مەن سىزدەردىڭ ادامدارعا كومەكتەسىپ جاتقاندارىڭىزعا وتە قۋانىشتىمىن. ارينە، ودان دا كوبىرەك كومەك بولسا دەيمىز. ءبىزدى – ايەلدەردى، ەر ادامداردى دا ەشكىم ۇمىتپاسىن. ايەلدەردى 8 ناۋرىز مەرەكەسىمەن قۇتتىقتايمىن. ەرلەر ايەلدەرگە كوبىرەك كوڭىل ءبولسىن. ءبارى جاقسى بولسىن. ەڭ باستىسى، بارىنە دەنساۋلىق پەن ساتتىلىك تىلەيمىن. وسىلاي مەرەكەلەردە كەلىپ تۇراسىزدار. سىزدەرگە مىڭ العىس، – دەدى يرينا ريەۆۋسكايا.
مەرەكەلىك سەبەتكە يە بولعان وزگە تۇرعىندار دا ريزاشىلىقتارىن ءبىلدىرىپ جاتتى. بۇگىن، ياعني 6 ناۋرىز كۇنى ازىق-تۇلىك سەبەتتەرى 1 مىڭنان استام وتباسىعا جەتكىزىلدى، وزگەلەرىنە جاقىن كۇندەرى تاراتىلاتىن بولادى. ءىس-شارا بارىسىندا سانيتارلىق نورمالار تولىقتاي ساقتالادى.
https://www.youtube.com/watch؟v=OiMiRSYC8fo
