2025 jyldyń qańtar aiynda Qazaqstannyń eksporty 4,5 mlrd dollardy qurady, onyń 60%-y, ádettegidei munaiǵa tiesili. Odan bólek eksportta mys, ferroqorytpalar, bidai, sondai-aq ýran, tabiǵi gaz jáne kúnbaǵys maiy mańyzdy pozitsiialar bolyp qala berdi. Al import kólemi qańtar aiynda 2,8 mlrd AQSh dollarynan asty, dep habarlaidy Dalanews.kz.
QR Saýda jáne integratsiia ministrliginiń málimetinshe, jetekshi sanattarǵa telefondar, avtomobil korpýstary, dári-dármekter jáne jeńil avtomobilder jatady. Sondai-aq qurylys tehnikasy men qozǵaltqyshtar jetkiziliminiń de ósimi baiqalady.
"Shikizat eksporty men joǵary tehnologiialyq ónim importy arasyndaǵy teńgerimniń saqtalýy Qazaqstannyń syrtqy ekonomikalyq baǵytynyń ornyqtylyǵyn rastaidy. 2025 jyly Qytaimen, Reseimen jáne Eýropalyq Odaq elderimen strategiialyq áriptestikti damytý, sondai-aq Ortalyq Aziia naryqtaryndaǵy pozitsiialardy nyǵaitý basymdyq bolyp qala beredi", delingen ministrlik habarlamasynda.
Buǵan deiin saitymyzda osy taqyrypqa orailas:"Máýlen Áshimbaev: "Syrtqy saýdada Qazaqstannyń óz joly bolýy kerek" degen material jariialanǵan bolatyn.
