2025 جىلدىڭ قاڭتار ايىندا قازاقستاننىڭ ەكسپورتى 4،5 ملرد دوللاردى قۇرادى، ونىڭ 60%-ى، ادەتتەگىدەي مۇنايعا تيەسىلى. ودان بولەك ەكسپورتتا مىس، فەرروقورىتپالار، بيداي، سونداي-اق ۋران، تابيعي گاز جانە كۇنباعىس مايى ماڭىزدى پوزيسيالار بولىپ قالا بەردى. ال يمپورت كولەمى قاڭتار ايىندا 2،8 ملرد اقش دوللارىنان استى، دەپ حابارلايدى Dalanews.kz.
ق ر ساۋدا جانە ينتەگراسيا مينيسترلىگىنىڭ مالىمەتىنشە، جەتەكشى ساناتتارعا تەلەفوندار، اۆتوموبيل كورپۋستارى، دارى-دارمەكتەر جانە جەڭىل اۆتوموبيلدەر جاتادى. سونداي-اق قۇرىلىس تەحنيكاسى مەن قوزعالتقىشتار جەتكىزىلىمىنىڭ دە ءوسىمى بايقالادى.
"شيكىزات ەكسپورتى مەن جوعارى تەحنولوگيالىق ءونىم يمپورتى اراسىنداعى تەڭگەرىمنىڭ ساقتالۋى قازاقستاننىڭ سىرتقى ەكونوميكالىق باعىتىنىڭ ورنىقتىلىعىن راستايدى. 2025 جىلى قىتايمەن، رەسەيمەن جانە ەۋروپالىق وداق ەلدەرىمەن ستراتەگيالىق ارىپتەستىكتى دامىتۋ، سونداي-اق ورتالىق ازيا نارىقتارىنداعى پوزيسيالاردى نىعايتۋ باسىمدىق بولىپ قالا بەرەدى"، دەلىنگەن مينيسترلىك حابارلاماسىندا.
بۇعان دەيىن سايتىمىزدا وسى تاقىرىپقا ورايلاس:"ماۋلەن اشىمبايەۆ: "سىرتقى ساۋدادا قازاقستاننىڭ ءوز جولى بولۋى كەرەك" دەگەن ماتەريال جاريالانعان بولاتىن.
