Lending and Finance technologies mikroqarjylyq uiymyna jyldyq tiimdi syiaqy mólsherlemesin kórsetpesten jurtty nesielendirgeni úshin 3,88 mln teńge aiyppul salyndy. Bul týraly Qarjy naryǵyn retteý jáne damytý agenttigi (QNRDA) habarlady. Sheshim 2025 jyldyń 10 qańtarynda qabyldandy, endi kompaniia 19 aqpanǵa deiin aiyppuldy tóleýi kerek, dep jazady Dalanews.kz.
Ulttyq banktiń derekterine súiene otyryp, Kursiv.kz Lending and Finance technologies 51,17 mlrd teńge aktivterimen elimizdegi 218 MQU arasynda jetinshi orynda turǵanyn naqtylaidy. Bul - elimizdegi mikroqarjy sektoryndaǵy barlyq aktivter kóleminiń 3,2% - y jáne tizimniń tómengi jaǵynan sanaǵanda 143 kompaniianyń aktivterinen (50,63 mlrd teńge) artyq kólem.
Lending and Finance technologies MQU Qazaqstanda 2015 jyldyń tamyz aiynda quryldy. Onyń quryltaishysy - Liýdmila Kobzeva, jetekshisi – Nikita Pýzenko. Kobzeva men Pýzenko, Kompra málimetterinshe, "Aqsha halyqqa" lombardynyń da quryltaishysy ári jetekshisi bolyp tabylady.
Buǵan deiin Qaraǵandyda FinansInvest mikroqarjylyq uiymy (MQU) litsenziiasynan aiyrylǵany habarlanǵan.
