El Prezidentiniń tapsyrmasymen 2023 jyldyń qazan aiynda uzyndyǵy 308 shaqyrymdy quraityn «Beineý-Jańaózen» magistraldyq gaz qubyrynyń ekinshi jelisi boiynsha gaz berý bastaldy. Onyń qurylysy óńirdiń 2021-2025 jyldarǵa arnalǵan áleýmettik-ekonomikalyq damýynyń keshendi jospary sheńberinde júzege asyryldy. Bul týraly Nurlan Noǵaev baspasóz máslihatynda aitty.
Mańǵystaý oblysynda gazdandyrý salasyndaǵy jobalardy iske asyrý qarqyndy júrip jatyr, bul gaz tasymaldaý júiesiniń qýaty men ótkizý qabiletin arttyrýǵa, óńirdiń tabiǵi gazyn tutynýdyń ósip kele jatqan kólemin jabýǵa jáne óńirdiń energiia qaýipsizdigin qamtamasyz etýge múmkindik beredi.
Bul jobalar jańa óndiristik qýattardy qurýǵa múmkindik beretin eldiń energetikalyq qaýipsizdigin qamtamasyz etýde mańyzdy ról atqarady. Atalǵan jobalar «Qazaq Gaz» jáne «Samuryq-Qazyna» qorynyń qoldaýymen júzege asyryldy.
2023 jyldyń qazan aiynda Mańǵystaýda «Beineý-Jańaózen»magistraldyq gaz qubyrynyń ekinshi jelisi iske qosyldy. «Beineý-Jańaózen» magistraldyq gaz qubyrynyń ekinshi jelisin iske qosý eldi mekenderdi, iri ónerkásiptik obektilerdi, sondai-aq Mańǵystaý oblysynyń negizgi energetikalyq kásiporny-jylý jáne elektr energiiasyn óndiretin «MAEK» JShS turaqty gazben jabdyqtaýdy qamtamasyz etedi.
Sondai-aq, turaqty gazben jabdyqtaý maqsatynda respýblikalyq biýdjetten «Jańaózen-Aqtaý» magistraldyq gaz qubyrynyń 4 jelisin salý jobasyn iske asyrýǵa 5,3 mlrd.teńge (148 km gazben jabdyqtaý jelileri) bólindi.
– Prezidenttiń tapsyrmasy boiynsha Quryq aýyly aýdanyndaǵy AGTS-ten «Sarshadan» – «Jyly jaǵajai» kýrorttyq aimaǵyndaǵy «Riksos» qonaq úiine deiingi joǵary qysymdy gaz qubyry da aiaqtaldy. Bul joba Quryq kentin jáne jaqyn jerde ornalasqan óndiristik obektilerdi gazben qamtamasyz etýge múmkindik beredi. Bul jaǵajai týrizmin damytý úshin óte mańyzdy joba, – dedi Nurlan Noǵaev.
Sondai-aq, iske asyrylyp jatqan «Kaspii energetikalyq haby» sheńberinde jańa shaǵyn aýdandardy turaqty gazben jabdyqtaý maqsatynda «Jańaózen-Aqtaý» MG qubyrynan bastalatyn avtomattandyrylǵan gaz taratý stantsiiasy bar magistraldyq gaz qubyrynyń qurylysy júrip jatqanyn atap ótken jón.
Uzyndyǵy 52 shaqyrymdyq gaz qubyry Aqtaý qalasynyń jańa shaǵyn aýdandarynyń, Munaily aýdanynyń Qyzyltóbe, Dáýlet jáne Baiandy aýyldarynyń, sondai-aq Túpqaraǵan aýdanynyń Aqshuqyr jáne Sain Shapaǵatov aýyldarynyń 150 myńǵa jýyq turǵynyn jylýmen jáne taýarlyq gazben qamtamasyz etýge múmkindik beredi. Jobany biyl jyl sońyna deiin aiaqtaý josparlanýda, ol úshin respýblikalyq biýdjetten 3,7 mlrd. teńge bólindi.
