ەل پرەزيدەنتىنىڭ تاپسىرماسىمەن 2023 جىلدىڭ قازان ايىندا ۇزىندىعى 308 شاقىرىمدى قۇرايتىن «بەينەۋ-جاڭاوزەن» ماگيسترالدىق گاز قۇبىرىنىڭ ەكىنشى جەلىسى بويىنشا گاز بەرۋ باستالدى. ونىڭ قۇرىلىسى ءوڭىردىڭ 2021-2025 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارى شەڭبەرىندە جۇزەگە اسىرىلدى. بۇل تۋرالى نۇرلان نوعايەۆ باسپا ءسوز ءماسليحاتىندا ايتتى.
ماڭعىستاۋ وبلىسىندا گازداندىرۋ سالاسىنداعى جوبالاردى ىسكە اسىرۋ قارقىندى ءجۇرىپ جاتىر، بۇل گاز تاسىمالداۋ جۇيەسىنىڭ قۋاتى مەن وتكىزۋ قابىلەتىن ارتتىرۋعا، ءوڭىردىڭ تابيعي گازىن تۇتىنۋدىڭ ءوسىپ كەلە جاتقان كولەمىن جابۋعا جانە ءوڭىردىڭ ەنەرگيا قاۋىپسىزدىگىن قامتاماسىز ەتۋگە مۇمكىندىك بەرەدى.
بۇل جوبالار جاڭا وندىرىستىك قۋاتتاردى قۇرۋعا مۇمكىندىك بەرەتىن ەلدىڭ ەنەرگەتيكالىق قاۋىپسىزدىگىن قامتاماسىز ەتۋدە ماڭىزدى ءرول اتقارادى. اتالعان جوبالار «Qazaq Gaz» جانە «سامۇرىق-قازىنا» قورىنىڭ قولداۋىمەن جۇزەگە اسىرىلدى.
2023 جىلدىڭ قازان ايىندا ماڭعىستاۋدا «بەينەۋ-جاڭاوزەن»ماگيسترالدىق گاز قۇبىرىنىڭ ەكىنشى جەلىسى ىسكە قوسىلدى. «بەينەۋ-جاڭاوزەن» ماگيسترالدىق گاز قۇبىرىنىڭ ەكىنشى جەلىسىن ىسكە قوسۋ ەلدى مەكەندەردى، ءىرى ونەركاسىپتىك وبەكتىلەردى، سونداي-اق ماڭعىستاۋ وبلىسىنىڭ نەگىزگى ەنەرگەتيكالىق كاسىپورنى-جىلۋ جانە ەلەكتر ەنەرگياسىن وندىرەتىن «ماەك» ج ش س تۇراقتى گازبەن جابدىقتاۋدى قامتاماسىز ەتەدى.
ماسەلەن، «بەينەۋ-جاڭاوزەن» گاز قۇبىرىنىڭ ەكىنشى جەلىسىنىڭ وتكىزۋ قابىلەتى جىلىنا 5،8 ملرد تەكشە مەتردى قۇرايدى. بۇعان دەيىن «وكارەم-بەينەۋ» گاز قۇبىرى وسى باعىت بويىنشا 3 ملرد تەكشە مەتردەن استام ايداۋدى قامتاماسىز ەتكەن بولاتىن. ەندى ەكى گاز قۇبىرىنىڭ جالپى وتكىزۋ قابىلەتى جىلىنا شامامەن 9 ملرد تەكشە مەترگە جەتەدى. بۇل ءوڭىردىڭ قاجەتتىلىكتەرىن تولىعىمەن جابادى.
سونداي-اق، تۇراقتى گازبەن جابدىقتاۋ ماقساتىندا رەسپۋبليكالىق بيۋدجەتتەن «جاڭاوزەن-اقتاۋ» ماگيسترالدىق گاز قۇبىرىنىڭ 4 جەلىسىن سالۋ جوباسىن ىسكە اسىرۋعا 5،3 ملرد.تەڭگە (148 كم گازبەن جابدىقتاۋ جەلىلەرى) ءبولىندى.
– پرەزيدەنتتىڭ تاپسىرماسى بويىنشا قۇرىق اۋىلى اۋدانىنداعى اگتس-تەن «سارشادان» – «جىلى جاعاجاي» كۋرورتتىق ايماعىنداعى «ريكسوس» قوناق ۇيىنە دەيىنگى جوعارى قىسىمدى گاز قۇبىرى دا اياقتالدى. بۇل جوبا قۇرىق كەنتىن جانە جاقىن جەردە ورنالاسقان وندىرىستىك وبەكتىلەردى گازبەن قامتاماسىز ەتۋگە مۇمكىندىك بەرەدى. بۇل جاعاجاي ءتۋريزمىن دامىتۋ ءۇشىن وتە ماڭىزدى جوبا، – دەدى نۇرلان نوعايەۆ.
سونداي-اق، ىسكە اسىرىلىپ جاتقان «كاسپيي ەنەرگەتيكالىق حابى» شەڭبەرىندە جاڭا شاعىن اۋدانداردى تۇراقتى گازبەن جابدىقتاۋ ماقساتىندا «جاڭاوزەن-اقتاۋ» مگ قۇبىرىنان باستالاتىن اۆتوماتتاندىرىلعان گاز تاراتۋ ستانسياسى بار ماگيسترالدىق گاز قۇبىرىنىڭ قۇرىلىسى ءجۇرىپ جاتقانىن اتاپ وتكەن ءجون.
ۇزىندىعى 52 شاقىرىمدىق گاز قۇبىرى اقتاۋ قالاسىنىڭ جاڭا شاعىن اۋداندارىنىڭ، مۇنايلى اۋدانىنىڭ قىزىلتوبە، داۋلەت جانە باياندى اۋىلدارىنىڭ، سونداي-اق ءتۇپقاراعان اۋدانىنىڭ اقشۇقىر جانە ساين شاپاعاتوۆ اۋىلدارىنىڭ 150 مىڭعا جۋىق تۇرعىنىن جىلۋمەن جانە تاۋارلىق گازبەن قامتاماسىز ەتۋگە مۇمكىندىك بەرەدى. جوبانى بيىل جىل سوڭىنا دەيىن اياقتاۋ جوسپارلانۋدا، ول ءۇشىن رەسپۋبليكالىق بيۋدجەتتەن 3،7 ملرد. تەڭگە ءبولىندى.
