ماڭعىستاۋدا كاسپيي سۋىن ەلەكتروليزدەن ٶتكٸزٸپ, جىلىنا 2 ميلليون توننا جاسىل سۋتەگٸ نەمەسە 11 ميلليون توننا اممياك ٶندٸرۋٸ تيٸس «Hyrasia One» جوباسىنىڭ جوسپارلاعان ينۆەستيتسييا تارتۋىندا ٷلكەن كەدەرگٸلەر پايدا بولدى. بۇل جوبانى Svevind Energy Group باسشىسى ۆولفگانگ كروپپ باستاعان ەدٸ. 40 گيگاۆاتت جەل مەن كٷن ەنەرگيياسىن پايدالانىپ, سودان جاسىل سۋتەگٸ ٶندٸرۋدٸ كٶزدەيتٸن جوبانىڭ ٸسكە اسۋى ٷشٸن 50 ميلليارد ەۋرو قاجەت. كروپپ مىرزا ونى ينۆەستورلار پۋلىنان جيناپ الامىن دەپ ٷمٸتتەنگەن. «بٸراق ينۆەستورلاردىڭ بارلىعى ول ٷشٸن ەۋرووداقتىڭ قارجىلىق گارانتيياسىن جەنە وفتەيك كونتراكتاردى كٶرسەتۋٸن سۇراپ وتىر», - دەيدٸ DALA INSIDE دەرەككٶزٸ.
«ەۋرووداقتان تەك گەرمانييا عانا 1,2 ميلليارد ەۋروعا قارجىلىق كەپٸلدٸك ۇسىنا الدى. ول قارجى بۇل جوبانىڭ جۇمىرىنا جۇق بولمايدى. سوسىن سۋتەگٸ زاۋىتىنىڭ ٶنٸمٸن كەپٸلدٸ تٷردە ساتىپ الامىز دەگەن ەشقانداي وفتەيك كونتراكتتار دا جارييالانبادى. ال قازٸر جاسىل تاقىرىپ كٷن تەرتٸبٸنەن كەتٸپ بارادى. وعان ترامپ فاكتورى مەن ەۋروپاداعى ساياسي ارەنادا ەسٸرە وڭشىلداردىڭ باس كٶتەرۋٸ ەسەر ەتۋدە», - دەيدٸ, دەرەككٶز.
اقش پرەزيدەنتتٸگٸنە دونالد ترامپ كەلگەلٸ كليماتتىڭ ٶزگەرۋٸنە قاتىستى قوزعالىستار, جاسىل ەنەرگييا تاقىرىبى بٷكٸلەلەمدٸك الاياقتىق دەپ تانىلا باستالدى. اقش-تا سۋتەككە بەرٸلەتٸن 45V سالىق جەڭٸلدٸگٸ قىسقارا باستاعان سوڭ, Thyssenkrupp Nucera سيياقتى الپاۋىتتار بٸرقاتار جوبالاردان باس تارتتى. بۇل ەلەمدٸك ينۆەستورلارعا قاتال ساباق بولدى. ولار بٷگٸن مەملەكەت سۋبسيدييا بەرسە دە, ەرتەڭ ساياسي بيلٸك اۋىسىپ, ەرەجەنٸ ٶزگەرتە سالاتىنىن بايقادى.
اقش تۇرماق ەۋروپاداعى ساياسي لاندشافت تا ٶزگەرۋدە. وڭشىلدار مەن ەۋروسكەپتيكتەر كٷشەيدٸ. 2022 جىلى قازاقستان مەن Svevind Energy Group «Hyrasia One» جوباسىنا قول قويعاندا «جاسىل ەنەرگييا» ساياسي ترەندتٸڭ شىڭىندا ەدٸ. قازٸر ەۋروپارلامەنتتە «جاسىلدار» پوزيتسيياسىنان ايىرىلىپ, 74 ورىننان تەك 53 ورىندى عانا ساقتاپ قالدى. ولاردىڭ ورنىن Patriots for Europe جەنە ECR سيياقتى وڭشىل فراكتسييالار باسۋدا.
قازاقستان «Hyrasia One» جوباسىنا 50 ميلليارد ەۋرو ينۆەستيتسييا كەلۋٸ مٷمكٸن دەگەن جىلى ٷمٸتپەن قاراعان ەدٸ. سول سەبەپتٸ ۆولفگانگ كروپپتىڭ جەر, تاعى دا باسقا مەسەلەلەرٸن ەش قيىندىقسىز شەشٸپ بەرگەن. ەۋروپالىق ينۆەستورلار پۋلى قولداماي قويسا, وندا جاسىل سۋتەگٸ ٶندٸرەتٸن بٸرەگەي ەل بولامىز دەگەن ٷمٸتٸمٸز جەلگە ۇشپاق.
