Mańǵystaýda Kaspii sýyn elektrolizden ótkizip, jylyna 2 million tonna jasyl sýtegi nemese 11 million tonna ammiak óndirýi tiis «Hyrasia One» jobasynyń josparlaǵan investitsiia tartýynda úlken kedergiler paida boldy. Bul jobany Svevind Energy Group basshysy Volfgang Kropp bastaǵan edi. 40 gigavatt jel men kún energiiasyn paidalanyp, sodan jasyl sýtegi óndirýdi kózdeitin jobanyń iske asýy úshin 50 milliard eýro qajet. Kropp myrza ony investorlar pýlynan jinap alamyn dep úmittengen. «Biraq investorlardyń barlyǵy ol úshin Eýroodaqtyń qarjylyq garantiiasyn jáne ofteik kontraktardy kórsetýin surap otyr», - deidi DALA INSIDE derekkózi.
«Eýroodaqtan tek Germaniia ǵana 1,2 milliard eýroǵa qarjylyq kepildik usyna aldy. Ol qarjy bul jobanyń jumyryna juq bolmaidy. Sosyn sýtegi zaýytynyń ónimin kepildi túrde satyp alamyz degen eshqandai ofteik kontrakttar da jariialanbady. Al qazir jasyl taqyryp kún tártibinen ketip barady. Oǵan Tramp faktory men Eýropadaǵy saiasi arenada ásire ońshyldardyń bas kóterýi áser etýde», - deidi, derekkóz.
AQSh prezidenttigine Donald Tramp kelgeli klimattyń ózgerýine qatysty qozǵalystar, jasyl energiia taqyryby búkilálemdik alaiaqtyq dep tanyla bastaldy. AQSh-ta sýtekke beriletin 45V salyq jeńildigi qysqara bastaǵan soń, Thyssenkrupp Nucera siiaqty alpaýyttar birqatar jobalardan bas tartty. Bul álemdik investorlarǵa qatal sabaq boldy. Olar búgin memleket sýbsidiia berse de, erteń saiasi bilik aýysyp, erejeni ózgerte salatynyn baiqady.
AQSh turmaq Eýropadaǵy saiasi landshaft ta ózgerýde. Ońshyldar men eýroskeptikter kúsheidi. 2022 jyly Qazaqstan men Svevind Energy Group «Hyrasia One» jobasyna qol qoiǵanda «jasyl energiia» saiasi trendtiń shyńynda edi. Qazir Eýroparlamentte «jasyldar» pozitsiiasynan aiyrylyp, 74 orynnan tek 53 oryndy ǵana saqtap qaldy. Olardyń ornyn Patriots for Europe jáne ECR siiaqty ońshyl fraktsiialar basýda.
Qazaqstan «Hyrasia One» jobasyna 50 milliard eýro investitsiia kelýi múmkin degen jyly úmitpen qaraǵan edi. Sol sebepti Volfgang Kropptyń jer, taǵy da basqa máselelerin esh qiyndyqsyz sheship bergen. Eýropalyq investorlar pýly qoldamai qoisa, onda jasyl sýtegi óndiretin biregei el bolamyz degen úmitimiz jelge ushpaq.
