Ulttyq Bank bankterdiń mobildi qosymshalary arqyly taýarlar men qyzmetterge tólem júrgizetin bankaralyq QR-tólemder servisin iske qosty. Tólem Ulttyq Banktiń Ulttyq tólem korporatsiiasy bazasy aiasynda jasalady, dep habarlaidy Dalanews.kz.
"Servis klientterge kez kelgen banktiń paidasyna bankaralyq QR-tólemderdi qabyldaýǵa jáne júzege asyrýǵa múmkindik bere otyryp, bankterdiń tólem qyzmetterin keńeitedi. Búginnen bastap bankaralyq QR-tólemder servisi "Bank TsentrKredit" AQ, "Home Credit Bank" AQ jáne "Freedom Bank" AQ klientterine qoljetimdi. Operatsiia jasaý úshin satyp alýshy klient banktiń mobildi qosymshasyna kirip, satýshynyń (serviske qatysýshy bankterdiń birinde qyzmet kórsetiletin) terminalynda QR-kodty skanerlep, tólemdi rastaýy qajet", dep naqtylaidy Ulttyq Bank.
Bankaralyq QR-tólemderdi iske qosý bankter arasyndaǵy ózara is-qimyl deńgeiin arttyrady, yńǵaily etedi jáne tutynýshy úshin tólem qyzmetteriniń qoljetimdiligin keńeitedi.
Ulttyq Bank qarjy naryǵynyń qalǵan qatysýshylaryn kezeń-kezeńimen qosý boiynsha jumysty jalǵastyrady. Jańa qyzmet basqa bankterdiń mobildi qosymshalarynda olar ishki protsesterin beiimdegen kezde paida bolady.
Bankaralyq QR-tólemder servisi tólem infraqurylymyn damytý baǵyttarynyń biri sanalady jáne "Qazaqstan Respýblikasy Ulttyq Bankiniń Ulttyq tólem korporatsiiasy" AQ bazasynda Ulttyq tsifrlyq qarjy infraqurylymyn (UTsQI) damytý aiasynda iske asyrylady.
