ۇلتتىق بانك بانكتەردٸڭ موبيلدٸ قوسىمشالارى ارقىلى تاۋارلار مەن قىزمەتتەرگە تٶلەم جٷرگٸزەتٸن بانكارالىق QR-تٶلەمدەر سەرۆيسٸن ٸسكە قوستى. تٶلەم ۇلتتىق بانكتٸڭ ۇلتتىق تٶلەم كورپوراتسيياسى بازاسى اياسىندا جاسالادى, دەپ حابارلايدى Dalanews.kz.
"سەرۆيس كليەنتتەرگە كەز كەلگەن بانكتٸڭ پايداسىنا بانكارالىق QR-تٶلەمدەردٸ قابىلداۋعا جەنە جٷزەگە اسىرۋعا مٷمكٸندٸك بەرە وتىرىپ, بانكتەردٸڭ تٶلەم قىزمەتتەرٸن كەڭەيتەدٸ. بٷگٸننەن باستاپ بانكارالىق QR-تٶلەمدەر سەرۆيسٸ "بانك تسەنتركرەديت" اق, "Home Credit Bank" اق جەنە "Freedom Bank" اق كليەنتتەرٸنە قولجەتٸمدٸ. وپەراتسييا جاساۋ ٷشٸن ساتىپ الۋشى كليەنت بانكتٸڭ موبيلدٸ قوسىمشاسىنا كٸرٸپ, ساتۋشىنىڭ (سەرۆيسكە قاتىسۋشى بانكتەردٸڭ بٸرٸندە قىزمەت كٶرسەتٸلەتٸن) تەرمينالىندا QR-كودتى سكانەرلەپ, تٶلەمدٸ راستاۋى قاجەت", دەپ ناقتىلايدى ۇلتتىق بانك.
بانكارالىق QR-تٶلەمدەردٸ ٸسكە قوسۋ بانكتەر اراسىنداعى ٶزارا ٸس-قيمىل دەڭگەيٸن ارتتىرادى, ىڭعايلى ەتەدٸ جەنە تۇتىنۋشى ٷشٸن تٶلەم قىزمەتتەرٸنٸڭ قولجەتٸمدٸلٸگٸن كەڭەيتەدٸ.
ۇلتتىق بانك قارجى نارىعىنىڭ قالعان قاتىسۋشىلارىن كەزەڭ-كەزەڭٸمەن قوسۋ بويىنشا جۇمىستى جالعاستىرادى. جاڭا قىزمەت باسقا بانكتەردٸڭ موبيلدٸ قوسىمشالارىندا ولار ٸشكٸ پروتسەستەرٸن بەيٸمدەگەن كەزدە پايدا بولادى.
بانكارالىق QR-تٶلەمدەر سەرۆيسٸ تٶلەم ينفراقۇرىلىمىن دامىتۋ باعىتتارىنىڭ بٸرٸ سانالادى جەنە "قازاقستان رەسپۋبليكاسى ۇلتتىق بانكٸنٸڭ ۇلتتىق تٶلەم كورپوراتسيياسى" اق بازاسىندا ۇلتتىق تسيفرلىق قارجى ينفراقۇرىلىمىن (ۇتسقي) دامىتۋ اياسىندا ٸسكە اسىرىلادى.
