Elimizde ulttyq aýyl sharýashylyǵy sanaǵy ótedi,- dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sanaq ótkizýdiń maqsaty – agrarlyq sektordyń damýyna boljam jasaý jáne aýyl sharýashylyǵy salasynyń qazirgi shynaiy jaǵdaiy týraly tolyqqandy aqparat alý.
Memleket basshysynyń 2023 jylǵy 26 sáýirdegi ókimine jáne Úkimettiń 2023 jylǵy 29 jeltoqsandaǵy № 1248 qaýlysyna sáikes, 2025 jylǵy 1 tamyz ben 20 qazan aralyǵynda Qazaqstan Respýblikasynyń ulttyq aýyl sharýashylyǵy sanaǵyn ótkizý týraly sheshim qabyldanǵan.
Aýyl sharýashylyǵy sanaǵynyń nátijesinde aýyl sharýashylyǵy salasynyń jai-kúiiniń egjei-tegjeili jáne obektivti beinesi alynady, eldiń azyq-túlik resýrstaryn qalyptastyrýdaǵy aýyl sharýashylyǵy taýaryn óndirýshiler, árbir sanatynyń róli týraly tolyq derekter alynady.
Búgin ulttyq aýyl sharýashylyǵy sanaǵyn júrgizýdi uiymdastyrý jónindegi oblystyq komissiianyń otyrysy ótti. Komissiia tóraǵasy, oblys ákiminiń orynbasary Nurbol Turashbekov óńirde júrgiziletin sanaq naýqanynyń maqsaty men mindetterine toqtalyp, statistika basqarmasymen birge atqarylatyn jumystardy baiandady.
Qazaqstan Respýblikasynyń Strategiialyq josparlaý jáne reformalar agenttigi Ulttyq Statistika biýrosynyń Túrkistan oblysy boiynsha departamentiniń basshysy, komissiia tóraǵasynyń orynbasary Gúlnár Kúntýǵanova óz kezeginde sanaq júrgizýde basshylyqqa alynatyn erejeler men talaptardy túsindirdi. Sonymen qatar, sanaqqa enetin nysandardyń tizimi usynyldy.
