Almaty oblysynda «Qonaev media» óńirlik telearnasy ashylady. Bul týraly baspasóz-máslihatynda jańa telarnanyń basshylary málimdedi, dep habarlaidy Dalanews.kz
Almaty oblysymen qatar, respýblika kóleminde tikelei habar taratatyn arnaǵa tanymal telejúrgizýshiler jetekshilik etpek. Jańa arnanyń basshysy Qymbat Hangeldina bolsa, bas prodiýser qyzmetin Qymbat Dosjan atqarady.
Jańalyqqa negizdelgen teleradio kesheni qazaq jáne orys tilderinde táýligine 12 saǵat habar taratady.
«Mamyr aiynda aqyryndap iske qosylyp bastaimyz. Jalpy shtat sany-80. Negizgi quram anyqtalǵanymen, áli de telearnanyń «ystyǵyna kúiip, sýyǵyna tońýǵa» daiyn áriptesterdi súzgiden ótkizip, jumysqa qabyldaimyz. Jumys jospary ázirlený ústinde»,-dedi «Qonaev media» teleradiokompaniiasy JShS direktory Qymbat Hangeldina.
Almaty oblystyq telearnasy dep sanalǵandyqtan, qarjylandyrý oblystyq biýdjetten júzege asyrylady. Alaida, arna kórermenniń júregine jol taýyp jatsa, iskerlik jobalar da qolǵa alynyp, kiris ákeletin arnaǵa ainalý kózdelgen.
Telearnada jańalyqtan bólek, túrli baǵyttaǵy baǵdarlamalar efirden kórsetilmek.
«Aqparattyq habarlar kúndelikti úsh mezgil efirden beriledi. Apta saiyn aqparattyq-saraptamalyq baǵdarlamalar da jaryq kóredi. Óńirdiń áleýeti zor. Sondyqtan, mádeniet, sport, týrizm baǵyttaryn qamtityn tsikldi jobalar bolady»,-dedi «Qonaev media» arnasynyń bas prodiýseri Qymbat Dosjan.
Jańa arna ashylǵanymen, telarna qyzmetkerleri úshin qolaily keńse tabý ózekti másele bolyp tur. «Qonaev media» telearnasynyń ǵimaraty ýaqytsha Almaty qalasynda ornalasady. Oblys ortalyǵy Qonaev qalasynan arnaiy media-ortalyq ashylǵan kezde arna tolyqtai oblystyń bas shaharyna qonys aýdarady.
Aita keteiik, bolashaqta arna janynan jergilikti radio qurylyp, áýe tolqynynda habar taratý josparlanyp otyr.
