الماتى وبلىسىندا «Qonaev media» وڭىرلىك تەلەارناسى اشىلادى. بۇل تۋرالى ءباسپاسوز-ماسليحاتىندا جاڭا تەلارنانىڭ باسشىلارى مالىمدەدى، دەپ حابارلايدى Dalanews.kz
الماتى وبلىسىمەن قاتار، رەسپۋبليكا كولەمىندە تىكەلەي حابار تاراتاتىن ارناعا تانىمال تەلەجۇرگىزۋشىلەر جەتەكشىلىك ەتپەك. جاڭا ارنانىڭ باسشىسى قىمبات حانگەلدينا بولسا، باس پروديۋسەر قىزمەتىن قىمبات دوسجان اتقارادى.
جاڭالىققا نەگىزدەلگەن تەلەراديو كەشەنى قازاق جانە ورىس تىلدەرىندە تاۋلىگىنە 12 ساعات حابار تاراتادى.
«مامىر ايىندا اقىرىنداپ ىسكە قوسىلىپ باستايمىز. جالپى شتات سانى-80. نەگىزگى قۇرام انىقتالعانىمەن، ءالى دە تەلەارنانىڭ «ىستىعىنا كۇيىپ، سۋىعىنا توڭۋعا» دايىن ارىپتەستەردى سۇزگىدەن وتكىزىپ، جۇمىسقا قابىلدايمىز. جۇمىس جوسپارى ازىرلەنۋ ۇستىندە»،-دەدى «Qonaev media» تەلەراديوكومپانياسى ج ش س ديرەكتورى قىمبات حانگەلدينا.
الماتى وبلىستىق تەلەارناسى دەپ سانالعاندىقتان، قارجىلاندىرۋ وبلىستىق بيۋدجەتتەن جۇزەگە اسىرىلادى. الايدا، ارنا كورەرمەننىڭ جۇرەگىنە جول تاۋىپ جاتسا، ىسكەرلىك جوبالار دا قولعا الىنىپ، كىرىس اكەلەتىن ارناعا اينالۋ كوزدەلگەن.
تەلەارنادا جاڭالىقتان بولەك، ءتۇرلى باعىتتاعى باعدارلامالار ەفيردەن كورسەتىلمەك.
«اقپاراتتىق حابارلار كۇندەلىكتى ءۇش مەزگىل ەفيردەن بەرىلەدى. اپتا سايىن اقپاراتتىق-ساراپتامالىق باعدارلامالار دا جارىق كورەدى. ءوڭىردىڭ الەۋەتى زور. سوندىقتان، مادەنيەت، سپورت، تۋريزم باعىتتارىن قامتيتىن سيكلدى جوبالار بولادى»،-دەدى «Qonaev media» ارناسىنىڭ باس پروديۋسەرى قىمبات دوسجان.
جاڭا ارنا اشىلعانىمەن، تەلارنا قىزمەتكەرلەرى ءۇشىن قولايلى كەڭسە تابۋ وزەكتى ماسەلە بولىپ تۇر. «Qonaev media» تەلەارناسىنىڭ عيماراتى ۋاقىتشا الماتى قالاسىندا ورنالاسادى. وبلىس ورتالىعى قونايەۆ قالاسىنان ارنايى مەديا-ورتالىق اشىلعان كەزدە ارنا تولىقتاي وبلىستىڭ باس شاھارىنا قونىس اۋدارادى.
ايتا كەتەيىك، بولاشاقتا ارنا جانىنان جەرگىلىكتى راديو قۇرىلىپ، اۋە تولقىنىندا حابار تاراتۋ جوسپارلانىپ وتىر.
