Májilis taýarlardyń shyǵarylǵan elin aiqyndaý máseleleri boiynsha túzetýlerdi birinshi oqylymda maquldady. Zań jobasy qazaqstandyq taýar óndirýshilerdi jáne olar óndiretin taýarlardy sáikestendirýdiń ońtaily júiesin qurýǵa baǵyttalǵan, bul keiin memlekettik qoldaý kórsetýdiń tiimdiligin arttyrýǵa múmkindik beredi, dep jazady Dalanews.kz.
"Negizgi ózgeristiń biri – qazaqstandyq taýar óndirýshilerdiń tizilimin qurýdy retteý. Bul jańa memlekettik aqparattyq júiede qazaqstandyq óndirýshiler men olar óndiretin taýarlar týraly aqparat bolady. Tizilim qoldanystaǵy "CT-KZ" nysanyndaǵy sertifikattar men indýstriialyq sertifikatty aýystyrýǵa arnalǵan. Óndirýshiler tizilimge engizýge ótinimderdi jeke kabineti arqyly bere alady. Salalyq memlekettik organdar men birlestikterdi tarta otyryp, Ónerkásip jáne qurylys ministrliginiń kóshpeli komissiiasy óndiristi tsifrlyq tekserýden jáne baǵalaýdan keiin óndirýshini tizilimge engizý nemese engizbeý týraly sheshim qabyldaidy", delingen 2025 jylǵy 22 qańtardaǵy Májilis baspasóz qyzmetiniń habarlamasynda.
Osylaisha "jalǵan óndirýshilerdiń" nemese qazaqstandyq emes óndirýshilerdiń memlekettik qoldaý sharalaryn alýyna tosqaýyl qoiý josparlanyp otyr. Iaǵni, óndirýshiler "Qazaqstanda jasalǵan" brendimen satýǵa daiyn ónimdi importtamai, naqty taýar óndiretinin dáleldeýi kerek.
Tizilimge engizilgen kásiporyndar retteletin satyp alýǵa qatysý múmkindigine ie bolady.
"CT-KZ" nysanyndaǵy sertifikattar men indýstriialyq sertifikattar 2026 jylǵy 1 qańtaryna deiin qoldanysta qalady.
Sondai-aq zań jobasynda alǵash ret Qazaqstannan shyqqan taýarlar men qazaqstandyq óndirýshilerdiń zańdy anyqtamalary qarastyrylǵan.
Al jer qoinaýyn paidalanýshylar men kvazimemlekettik sektor qazaqstandyq óndirýshilerden taýar satyp alýǵa mindetti bolady.
Taýarlardyń shyqqan elin anyqtaý máseleleri boiynsha túzetýler aiasynda depýtattar kvazimemlekettik sektor, tabiǵi monopoliialar sýbektileri, sondai-aq jer qoinaýyn paidalanýshylar úshin qatty paidaly qazbalardy óndirý boiynsha jańa mindettemeler engizýdi usynyp otyr.
Atap aitqanda, Jer qoinaýyn paidalanýshylar úshin litsenziialaý sharttaryn qatty paidaly qazbalardy óndirý boiynsha ishki qundylyqty damytý baǵdarlamalaryn iske asyrý jónindegi mindettemelermen tolyqtyrý usynylady. Sondai-aq salany damytýǵa baǵyttalǵan kelisimderdi josparlaý jáne jasasý rásimderin júzege asyrý qarastyrylǵan. Mundai kompaniialar aqparattyq júiede belgili bir taýarlardy satyp alýǵa qajettilikterin ornalastyrýǵa mindetti bolady.
"Iaǵni, osy tetik arqyly kvazimemlekettik sektordaǵy kompaniialarǵa, tabiǵi monopoliialar sýbektilerine, jer qoinaýyn paidalanýshylarǵa taýar jetkizgisi keletin shaǵyn jáne orta kásipkerlik sýbektileri olardyń satyp alýlaryna basymdyqpen qatysý arqyly óz ónimderin jetkize alady. Talaptar jasalǵan kúnine qaramastan, qatty paidaly qazbalardy óndirýge arnalǵan barlyq qoldanystaǵy kelisimshart pen litsenziialarǵa qoldanylady", delingen habarlamada.
Buǵan deiin saitymyzda "Ulttyq kompaniialarymyzǵa ne bolǵan? Depýtattar nege únsiz" degen maqala jariialanǵan bolatyn.
