14 qyrkúiekte Brent markaly munaidyń baǵasy barreline 108 dollardan asty. Al qazaqstandyq CPC Blend sorty budan da joǵary baǵalanyp, barreline 112,11 dollarǵa deiin kóterildi, dep habarlaidy dalanews.kz.
NeHabar málimetinshe, munai baǵasynyń kúrt ósýine Saýd Arabiiasyndaǵy East–West munai qubyryna jasalǵan shabýyldar, sondai-aq Ormýz buǵazy men Bab-el-Mandeb arqyly ótetin kemelerge tóngen qaýip sebep bolyp otyr. Atalǵan baǵyttar álemdik munai tasymaly úshin strategiialyq mańyzǵa ie.
Naryqtaǵy jetkizilim tapshylyǵy ázirge munai qorlarynyń esebinen ótelýde. Alaida aqpan aiynan beri álemdik qor kólemi 507 mln barrelge azaiǵan.
Halyqaralyq energetikalyq agenttiktiń boljamynsha, jyl sońyna qarai álemdik munai usynysy táýligine 5,7 mln barrelge tómendeýi múmkin.
Munai naryǵyndaǵy jaǵdai dizel otynynyń baǵasyna da áser etti. Máselen, AQSh-ta dizeldiń bir gallony alǵash ret 6 dollardan asyp, litrine shaqqanda shamamen 710 teńgege jetti.
