Qarjy naryǵyn retteý jáne damytý agenttigi ókilderi mikroqarjylandyrý jáne kollektorlyq qyzmetter salasynda ózin-ózi retteý institýtyn engizý bastamasyn talqylady, dep habarlaidy Dalanews.kz.
Búgingi kúni mikroqarjylandyrý sektorynda 899 sýbekt jumys isteidi. Kollektorlyq agenttikterdiń tiziliminde 197 uiym bar. 2025 jyldyń 1 shildedegi jaǵdaiy boiynsha uiymdardyń nesie portfeli 3,2 trln teńgeni qurap, 2021 jyldan beri 2 eseden astam ósti. Bul rette nesie portfeliniń 61%-y nemese 1,9 trln teńge bizneske mikrokreditterge tiesili.
QNRDA 2024 jyldan bastap qadaǵalaý sýbektilerine qatysty 812 jáne 730 qujattamalyq tekserý júrgizildi, onyń qorytyndysy boiynsha 140 qadaǵalaý sharasy qoldanylǵanyn, 431 mln teńge somaǵa 1 175 aiyppul shyǵarylǵannyn naqtylaidy.
"Tekserý nátijeleri buzýshylyqtar tek mikrokreditter berý máselelerimen ǵana emes, sonymen qatar olardyń qyzmetiniń basqa aspektilerimen bailanysty ekenin kórsetip otyr. Osyny eskere otyryp, Agenttik júieli shara retinde mindetti ózin-ózi retteýdi belgileý jolymen mikroqarjylandyrý jáne kollektorlyq qyzmetter sýbektilerin qadaǵalaýdyń eki deńgeili júiesin engizýdi usynady", - dedi Mádina Ábilqasymova.
Agenttiktiń Banktik emes uiymdardy retteý departamentiniń direktory Nurjan Bidaibek Qazaqstanda ÓRU engizýdiń negizgi baǵyttary týraly baiandama jasap, halyqaralyq tájiribe osy quraldyń naryqtaǵy ornyqtylyq pen tártipti qamtamasyz etýdegi tiimdiligin kórsetip otyrǵanyn atap ótti.
