Elimizde jumys isteitin sheteldik bapker óz elinde 540 myń dollarǵa úi turǵyzypty: 14 jeltoqsan 2016

Elimizde jumys isteitin sheteldik bapker óz elinde 540 myń dollarǵa úi turǵyzypty

Dalanews 14 jeltoqsan, 2016

Pavlodardyń «Ertis» klýbynyń bas bapkeri Dimitar Dimitrov óziniń týǵan jeri Bolgariianyń Býrgas aýdanynda jer úi turǵyzdy. Bul týraly Bolgariianyń «Maritsa» basylymy jazdy, dep habarlaidy Baq.kz.

Mamandardyń baǵalaýy boiynsha turǵyn úi jer ýchaskesimen qosa eseptegende 1 million bolgariialyq levke túsken (540 myń dollar).

Dimitrov – Bolgariiadaǵy eń qymbat ári suranysqa ie bapkerlerdiń biri. «Liteks» komandasynda jumys istep júrgende aiyna 200 myń dollar jalaqy alatyn. Al «Levski», «Lokomotiv» (Plovdiv) klýbtary odan kóp tóledi.

Sońǵy jyldary Dimitar Dimitrov Pavlodardyń «Ertis» klýbynda tabysty eńbek etip júr. Jaqynda oblys ákimi «Qurmetti azamat» ataǵyn berdi.

Jerorta teńizi anyq kórinip turatyn záýlim úi ádemi sharbaqtarmen qorshalǵan. Ol buǵan deiin Býrgastaǵy keń saraidai páterlerdiń birinde turǵan edi.

Dimitar Dimitrov jańa úiine sheteldegi kelisimsharty aiaqtalyp, Bolgariiaǵa oralǵan kezde turmaqshy.

Aita keteiik, buǵan deiin Dimitrovtyń otandasy, «Astana» bapkeri Stanimir Stoilov 10 million eýroǵa fýtbol akademiiasyn salyp jatqany habarlanǵan bolatyn.

Elimizde jumys isteitin sheteldik bapker óz elinde 540 myń dollarǵa úi turǵyzypty

Oqi otyryńyz

Daniia Espaeva «Aq jol» partiiasynyń jańa tóraǵasy bolyp sailandy

Azat Perýashev «Aq jol» partiiasy tóraǵasy qyzmetinen ketetinin málimdedi

Astanada «Aq jol» partiiasynyń sezi bastaldy