مامانداردىڭ باعالاۋى بويىنشا تۇرعىن ءۇي جەر ۋچاسكەسىمەن قوسا ەسەپتەگەندە 1 ميلليون بولگاريالىق ليەۆكە تۇسكەن (540 مىڭ دوللار).
ديميتروۆ – بولگارياداعى ەڭ قىمبات ءارى سۇرانىسقا يە باپكەرلەردىڭ ءبىرى. «ليتەكس» كومانداسىندا جۇمىس ىستەپ جۇرگەندە ايىنا 200 مىڭ دوللار جالاقى الاتىن. ال «ليەۆسكي»، «لوكوموتيۆ» (پلوۆديۆ) كلۋبتارى ودان كوپ تولەدى.
سوڭعى جىلدارى ديميتار ديميتروۆ پاۆلوداردىڭ «ەرتىس» كلۋبىندا تابىستى ەڭبەك ەتىپ ءجۇر. جاقىندا وبلىس اكىمى «قۇرمەتتى ازامات» اتاعىن بەردى.
جەرورتا تەڭىزى انىق كورىنىپ تۇراتىن ءزاۋلىم ءۇي ادەمى شارباقتارمەن قورشالعان. ول بۇعان دەيىن بۋرگاستاعى كەڭ سارايداي پاتەرلەردىڭ بىرىندە تۇرعان ەدى.
ديميتار ديميتروۆ جاڭا ۇيىنە شەتەلدەگى كەلىسىمشارتى اياقتالىپ، بولگارياعا ورالعان كەزدە تۇرماقشى.
ايتا كەتەيىك، بۇعان دەيىن ديميتروۆتىڭ وتانداسى، «استانا» باپكەرى ستانيمير ستويلوۆ 10 ميلليون ەۋروعا فۋتبول اكادەمياسىن سالىپ جاتقانى حابارلانعان بولاتىن.
