Qazaqstanda erler úshin zeinetke shyǵý jasy — 63, al áielder úshin — 61 jas. Degenmen keibir azamattar bul jasqa jetpei-aq zeinetaqy alýǵa quqyly. Bul týraly Eńbek jáne halyqty áleýmettik qorǵaý ministrligi málimdedi, dep habarlaidy Dalanews.kz.
Halyqty áleýmettik qorǵaý salasyndaǵy retteý jáne baqylaý komitetiniń zeinetaqymen jáne áleýmettik qamsyzdandyrý basqarmasynyń basshysy Ánel Sheneeva bul týraly naqty túsinikteme berdi. Onyń aitýynsha, Áleýmettik kodekske sáikes, bes jáne odan da kóp balany segiz jasqa deiin tárbielep ósirgen áielder 53 jastan bastap zeinetke shyǵýǵa quqyly.
Sondai-aq ol Memleket basshysynyń tapsyrmasymen 2024 jylǵy 1 qańtardan bastap ziiandy eńbek jaǵdailarynda jumys isteitin azamattardy áleýmettik qoldaý sharalary engizilgenin aitty. Atap aitqanda, keminde jeti jyl boiy mindetti kásiptik zeinetaqy jarnalaryn aýdaryp kelgen, 55 jasqa tolǵan azamattarǵa arnaiy áleýmettik tólem taǵaiyndalady.
"Bul tólem ziiandy jaǵdaida eńbek etken azamattarǵa zeinet jasyna jetkenge deiin jumystan ketip, áleýmettik qoldaý alýyna múmkindik beredi", — dedi Sheneeva.
Eske salsaq, bul sharalar eńbek jaǵdaiyna bailanysty zeinetke erterek shyǵý múmkindigin qarastyrady jáne azamattardyń áleýmettik qorǵalýyn kúsheitýge baǵyttalǵan.
