Memleket basshysy Qasym-Jomart Toqaevtyń Jarlyǵymen 2025 jyl Jumysshy mamandyqtarynyń jyly dep jariialandy, dep jazady Dalanews.kz.
Jumysshy mamandyqtarynyń jylyn jariialaý týraly Prezident Jarlyǵy mátinin Aqordanyń baspasóz qyzmeti, búgin, 27 jeltoqsanda jariialady.
"Jumysshy mamandyqtarynyń bedelin arttyrý jáne tehnikalyq jáne kásiptik bilim berý júiesiniń reformasyn júzege asyrý maqsatynda QAÝLY ETEMIN:
- 2025 jyl Jumysshy mamandyqtarynyń jyly dep jariialansyn.
- Qazaqstan Respýblikasynyń Úkimeti Jumysshy mamandyqtarynyń jylyn ótkizý boiynsha qajetti sharalardy qabyldasyn.
- Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
- Osy Jarlyq qol qoiylǵan kúninen bastap qoldanysqa engiziledi", delingen Jarlyqta.
Buǵan deiin Semeide shyrshany bezendirý kezinde muǵalim aýyr jaraqat alǵanyn jazǵanbyz. Bul rette Eńbek kodeksin óreskel buzý baby boiynsha birqatar laýazymdy tulǵaǵa jazaǵa tartylyp, qyzmetinen de aiyryldy.
