مەملەكەت باسشىسى قاسىم-جومارت توقايەۆتىڭ جارلىعىمەن 2025 جىل جۇمىسشى ماماندىقتارىنىڭ جىلى دەپ جاريالاندى، دەپ جازادى Dalanews.kz.
جۇمىسشى ماماندىقتارىنىڭ جىلىن جاريالاۋ تۋرالى پرەزيدەنت جارلىعى ءماتىنىن اقوردانىڭ باسپا ءسوز قىزمەتى، بۇگىن، 27 جەلتوقساندا جاريالادى.
"جۇمىسشى ماماندىقتارىنىڭ بەدەلىن ارتتىرۋ جانە تەحنيكالىق جانە كاسىپتىك ءبىلىم بەرۋ جۇيەسىنىڭ رەفورماسىن جۇزەگە اسىرۋ ماقساتىندا قاۋلى ەتەمىن:
- 2025 جىل جۇمىسشى ماماندىقتارىنىڭ جىلى دەپ جاريالانسىن.
- قازاقستان رەسپۋبليكاسىنىڭ ۇكىمەتى جۇمىسشى ماماندىقتارىنىڭ جىلىن وتكىزۋ بويىنشا قاجەتتى شارالاردى قابىلداسىن.
- وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
- وسى جارلىق قول قويىلعان كۇنىنەن باستاپ قولدانىسقا ەنگىزىلەدى"، دەلىنگەن جارلىقتا.
بۇعان دەيىن سەمەيدە شىرشانى بەزەندىرۋ كەزىندە ءمۇعالىم اۋىر جاراقات العانىن جازعانبىز. بۇل رەتتە ەڭبەك كودەكسىن ورەسكەل بۇزۋ بابى بويىنشا ءبىرقاتار لاۋازىمدى تۇلعاعا جازاعا تارتىلىپ، قىزمەتىنەن دە ايىرىلدى.
