Ulytaý oblysynda 4,8 mlrd teńgege marganets kenin zańsyz óndirý shemasy áshkerelendi, dep habarlaidy Dalanews.kz.
Qostanai oblysynyń 50 jastaǵy turǵyny 2020–2023 jyldar aralyǵynda jer qoinaýyn paidalanýǵa litsenziiasy men kelisimsharty bolmaǵanyna qaramastan "Shyǵys Qarajal" ken ornynda marganets kenin zańsyz óndirgen. Sonymen qatar, qolma-qol aqshaǵa ainaldyrý jáne jalǵan mámileler jasasý arqyly paidaly qazbalardy satýdan túsken qarajatty zańdastyrǵan.
Bul kezeńde 16 myń tonnadan asa ken jóneltilip, memleketke 1,3 mlrd teńgeden asa zalal keltirilgen.
Kúdikti óńdelgen temir-marganets kenin el ishinde, shetelge satý arqyly 3,5 mlrd teńgeden asa paida tapqan.
Ulytaý oblysy sotynyń úkimimen kináli adam 5 jyl 4 ai merzimge bas bostandyǵynan aiyrylyp, jer qoinaýyn paidalaný salasyndaǵy qyzmetpen ainalysý quqyǵynan 5 jyl merzimge aiyryldy.
Memleket kirisine 4,8 mlrd teńge óndirilip, qylmystyq jolmen kelgen qarajatqa satyp alynǵan 3 jeńil kólik, 2 júk kóligi tárkilendi. Sot úkimi zańdy kúshine endi.
