El tynyshtyǵy úshin opat bolǵan azamattardyń rýhy shat bolsyn! Olardyń otbasy men týǵan-týystaryna qaiǵyryp kóńil aitamyz.
El ishine búlik salýdyń bir sátte ekenine kózimiz jetti. Tynyshtyqtyń tal besigin shaiqap, turaqtylyqtyń báiteregin qulatpaq bolǵan aram niettiler beibitshilik pen birlikti kóziniń qarashyǵyndai saqtap otyrǵan memleketimizdi ala taidai búldirmek boldy. Táýelsizdigimizge, ańsap jetken azattyǵymyzǵa alakózdene qaraǵandardyń halyq arasyna úrei salyp ketkeni jasyryn emes.
Degenmen Prezident Qasym-Jomart Kemeluly Toqaevtyń shuǵyl ári durys sheshim qabyldaýynyń arqasynda lańkester salǵan lań aýyzdyqtalyp, elimizde turaqtylyq qaita qalpyna kelip jatyr.
Biz qazir alaýyz bolatyn, bir-birimizdi aiyptaityn, birimiz ekinshimizge ókpe artatyn sátte emespiz. Tarazy basynda Táýelsizdik turǵanda halqymyz bir úidiń balasyndai, bes saýsaqtyń salasyndai birigip, buzylmaǵan otyz eki tistei tutasyp, elimizdiń tynyshtyǵy úshin kúresetin kúrdeli kezeńdemiz. Sondyqtan barshamyz Memleket basshysynyń ainalasyna toptasyp, árbir qazaqstandyq azamat Tótenshe jaǵdaidyń talaptaryn qatań saqtap, eldegi turaqtylyqty qalpyna keltirýge qal-qadirinshe atsalysyp, birlik pen beibit ómirdiń jolynda áreket etýi kerek.
Dúrbeleń kezeńdi, bulaǵai zamandy bárimiz bir bolyp qana eńsere alamyz. Árkimniń oiy, pikiri, saiasi ustanymy ártúrli bolýy zańdylyq. Biraq dál qazirgi sátte onyń barlyǵyn ysyryp tastap, bir bolýdyń qamyn jasaǵanymyz abzal. Óitkeni taǵdyrdyń tátti syiy Táýelsizdikti tárk etip alsaq, babalar arýaǵy da, bolashaq urpaq ta bizdi keshpeidi.
Elimizdiń ishi daýdan, syrty jaýdan aman bolsyn!
Qyrymbek Kósherbaev,
Memleket jáne qoǵam qairatkeri.
