Eldik máselelerge negizdelgen mazmundy suhbat
Munda Prezident ózi el tizginin ustaǵan 2019 jyldan bergi júrgizilip kele jatqan saiasi reformalardyń nátijesine, respýblikanyń ekonomikalyq jáne áleýmettik jaǵdaiyna, qol jetkizgen jetistikteri men memlekettik basqarýdaǵy oryn alǵan oqys jaǵdailarǵa jan-jaqty shynaiy jáne ádil baǵa bere kele, jaqyn bolashaqqa da baiypty boljam jasaǵan.
Suhbatta qasiretti «Qańtar oqiǵasynan» beri eki jyl ótse de, jurtshylyqty áli de oilandyryp hám tolǵandyryp júrgen kóptegen kókeikesti suraqtarǵa jaýap berdi. Sonymen birge, memlekettik tóńkeris jasaý áreketiniń qalai órbigenin jáne mundai jaǵdai endi qaitalanbas úshin, ári odan durys sabaq alý úshin Qańtar oqiǵasynyń sebep saldaryn burmalap kórsetýdiń qajeti joq ekendigin jáne endigi jerdegi memlekettik saiasattyń qalai júrgizilýi qajet ekendigin aiqyndap berdi.
Prezident óz suhbatynda Qazaqstannyń ishki jáne syrtqy saiasatyndaǵy basym baǵyttarǵa airyqsha mán berdi. Birinshi kezekte, osy jyldarda elimizde qordalanǵan ekonomikalyq máselelerge sholý jasalynyp, 2029 jylǵa qarai ulttyq ekonomikanyń kólemin eki esege arttyryp, aqshalai ósimdi 450 milliard dollarǵa jetkizý josparlanyp otyrǵanyn aitty. Osy turǵyda aýqymdy ónerkásip jobalaryn iske asyrý maqsatynda sheteldik investitsiialardy kóptep tartý qajettigin kvazimemlekettik sektordyń tiimdiligin arttyrý qajet ekendigin, kásipkerlik pen básekeni damytý, ásirese, energetikalyq qaýipsizdikke basa nazar aýdarý kerektigin dáleldermen negizdep berdi.
Odan keiin, Qazaqstannyń geografiialyq turǵydaǵy shekaralas kórshi memleketterimen, ásirese, elimizdiń negizgi saýda-ekonomikalyq seriktesteri Resei Federatsiiasy jáne Qytai Halyq Respýblikasymen aradaǵy yntymaqtastyq qarym-qatynastary jáne aldaǵy ýaqyttarda júrgiziletin jalpy saiasaty qandai baǵytta órbýi qajet ekendigine erekshe kóńil bóldi.
Kelesi kezekte, memleketimizdiń uzaq merzimdi strategiialyq baǵdary aiasyndaǵy aldyńǵy qatarly, zamanaýi tehnologiialardy meńgergen, ózgelerden ozyq turar uly da oily ult retindegi basty mindetterimizge erekshe mán berildi.
Prezident Q.Toqaev qarapaiym halyqtyń qaryzǵa belsheden batyp, boryshkerge ainalýyn, elde oryn alyp otyrǵan jumyssyzdyq jáne turǵyn úi-kommýnaldyq sharýashylyq salasyndaǵy qalyptasqan jaǵdaidy júieli túrde qolǵa alý qajettigine toqtaldy.
Búgingi qazaqstandyq qoǵamda ótkir pikirtalastardyń ózegine ainalyp otyrǵan jáne sońǵy ýaqytta kóp talqylanyp júrgen, memleketimizdi energetikalyq táýeldilikten qutqarýy yqtimal Atom elektr stantsiiasyn salý máselesi búkilhalyqtyq referendým nátijesi negizinde tek halyq qalaýymen ǵana sheshiletindigin taǵy bir márte qaitalady.
Ádiletti Qazaqstan qurý jolyndaǵy saiasi jańǵyrý protsesteri tyń qarqynmen jalǵasyp jatqanyn tilge tiek ete otyryp, biliktiń úsh tarmaǵy teńgermeli qyzmet etetin saiasi júiemizdi qurý barysyndaǵy quqyqtyq ádilettilikti qamtamasyz etetin Konstitýtsiialyq Sottyń tek qana aty ǵana emes, zaty da túbegeili ózgergenin naqty mysaldarmen dáleldep berdi.
Búgingi álemde ǵalamdaný protsesi jedeldete júrip jatqan jaǵdaida ulttyq ideologiianyń jalǵandyqqa urynbai, jalpy adamzattyq jáne jalpy ulttyq qundylyqtar biiginen kórinýi asa qajet ekendigi basa aityldy.
Ozyq oily ulttyń jańa sapasyn qalyptastyrý isinde ideologiianyń alatyn orny erekshe. Memleket basshysy, osy turǵydan alǵanda elimizdegi qundylyqtar júiesiniń jańa sapalyq deńgeige kóterilýine Ulttyq Quryltaidyń otyrystarynda kóterilip, keiin júzege asyrylyp jatqan aýqymdy ister aitarlyqtai oń áser etip otyrǵanyn oryndy atap ótti.
Prezident «Qazaqstan halqyn biriktirip, uiystyra alatyndai, eń bastysy qoǵam músheleri oǵan kámil senetindei - naǵyz ulttyq qundylyqtarǵa negizdelgen ulttyq ideologiia qajet» dedi..
Suhbat barysynda Memleket basshysy tarihshylarynyń paiymyn negizge ala otyryp, memlekettigimizdiń tarihy tym tereńde jatqandyǵyn bildiretin aitýly data retinde Joshy ulysynyń irgetasy qalanǵanyna biyl - 800 jyl tolatyndyǵyn jáne soǵan sai keń kólemdi zertteý jumystarynyń qolǵa alynatynyn jetkizdi.
Jańa bastalǵan jyldyń alǵashqy kúnderi berilgen mazmundy suhbattan el úmitin aqtaityn Memleket basshysynyń senimdi sózderi men naqty isteri kórinis tapqan.
Esenai IŃKÁRBAEV,
Ál-Farabi atyndaǵy QazUÝ
saiasattaný jáne saiasi tehnologiialar kafedrasynyń dotsenti,
saiasi ǵylymdarynyń kandidaty
