“Ázirge eksporttaityn eshteńe joq. Bizde eksportty qoldaityn baǵdarlamalar jetkilikti, qarjy da bólindi, bólinip te jatyr. Alaida, ókinishke orai, qoldaityn ónim joq”, – dedi Qulybaev kásipkerlerge shúiligip. Onyń oiynsha, kásiporyndar qurar kezde naryqty asyqpai zertteý kerek, Resei, Belarýs, Qytaidyń aýjaiyn baqylaý kerek. Óitpei, mandymaimyz. Timýr Qulybaev, sondai-aq, qazirdiń ózinde Eýraziialyq odaqtyń básekelestigine shydas bermei, keibir salalardyń toqyraýdyń aldynda turǵanyn jaiyp saldy.
“Alda Dúniejúzilik saýda uiymynyń qaqpasy ashylǵanda, alpaýyt Qytai naryǵymen básekelestik kútip tur”,– dedi ol taǵy da.
Bul sózge riza bolǵan jurtshylyq bas shulǵysyp, «Iia, solaiy solai» desip jatty. Men tańyrqadym. Qulybaevtyń sózine emes, ózine... Basqa bireý aitsa, ilanar edim.
Bizdiń innovatsiialyq-indýstriialyq damýymyzdyń bos sóz ekenin Qulybaev myrza dáleldep berdi. «Qazaqstan» men «Habarda» kórsetiletin qaptaǵan zaýyt-fabrikalardyń jumysy bos shyǵyn ekenin, kózdi aldaý, eldi aldaý naýqany úshin jasalǵan sharalardyń kóptigin seze túskendei boldym. Bálkim, jylyna júzdegen zaýytty iske qosatyn Elbasyny aldap otyrǵan arnaiy top bar. Sol toptyń basy-qasynda tegi kimder júr? Eldi de, Elbasyny da aldaǵanyn qashan qoiady?
... Qulybaev atqarǵan qyzmetterine zer salyńyz. Bizdiń ekonomikalyq, kásiptik salalardyń bárinde Qulybaevtyń izi sairap jatyr. «Atameken», «Samuryq-Qazyna», KazEnergy, KEGOK, «QazMunaiGaz», «QazAtomProm», «GazProm» sekildi jiliktiń maily basyn ustaǵan, únemi qarjy kóp, investitsiialyq tartymdylyǵy joǵary, eksporttaýǵa qolaily oryndarda basshylyq etken, indýstriiany damytýǵa mol múmkindigi bar Qazaqstandaǵy eń bai adamnyń biri bulai degenine shynymen tańyrqadym. Bizdiń innovatsiialyq-indýstriialyq damýymyzdyń bos sóz ekenin Qulybaev myrza dáleldep berdi. «Qazaqstan» men «Habarda» kórsetiletin qaptaǵan zaýyt-fabrikalardyń jumysy bos shyǵyn ekenin, kózdi aldaý, eldi aldaý naýqany úshin jasalǵan sharalardyń kóptigin seze túskendei boldym. Bálkim, jylyna júzdegen zaýytty iske qosatyn Elbasyny aldap otyrǵan arnaiy top bar. Sol toptyń basy-qasynda tegi kimder júr? Eldi de, Elbasyny da aldaǵanyn qashan qoiady? Eger suranysqa ie taýar óndire almasa, milliardtaǵan teńgeni shaǵyn jáne orta bizneske nege taratpaidy? Qit etse keteýi ketti, azdy-tozdy dep, qyrǵyzdardy jamandaimyz. Al olar shaǵyn ónerkásipti áldeqashan jolǵa qoiyp úlgerdi. Bazarǵa baryńyz, kierińizdiń bári solardiki. Árine, kásiporyndardyń bárin jamandap, zaýyttyń bárin iske alǵysyz eter biz joq. Biraq, aitylǵan sóz – atylǵan oq. Jyltyr sózben ómir súrgenshe, shyndyqty ýaqtyly aitqan durys. Qulybaev myrzanyń ózi de indýstriialdy-innovatsiialyq damýdyń belsendi «múshesi» emes pe edi? Endeshe, nege eksportqa táýeldi óndiris oshaqtaryn ashýǵa muryndyq bolmaidy? Qashanǵy óńdelmegen munai, altyn, temir, mys, myrysh satamyz? Qazaqtyń óńdeý salasyna ǵylymi ahýaly, bilimi negizi jetpei me? Túsiniksiz.
Tileýqabyl Tursynbai,
zeinetker
