2025 jylǵa arnalǵan ómir súrý quny boiynsha reitingte Qazaqstan 139 eldiń ishinde 114-orynǵa ie boldy. Finprom sarapshylary osy baǵytta saraptama jasady, dep habarlaidy Dalanews.kz.
Bul indekske ne jatady?
Bul indekste tutyný taýarlary men qyzmetterdiń baǵalary salystyrylady, oǵan azyq-túlik, kólik, kommýnaldyq qyzmetter kiredi, biraq baspana shyǵyndary (jalǵa alý nemese ipoteka) esepke alynbaidy. Negizgi ólshem retinde Niý-Iork alynǵan, onyń indeksi - 100%. Eger eldiń indeksi 120 bolsa, bul ondaǵy kúndelikti ómir súrý shyǵyny Niý-Iorkten 20%-ǵa joǵary degendi bildiredi.
"Qazaqstannyń indeksi - 26,6. Bul eldegi baǵa Niý-Iorkpen salystyrǵanda 73,4% tómen ekenin kórsetedi. Azyq-túlik baǵasynyń indeksi - 27,4, qoǵamdyq tamaqtaný oryndaryndaǵy baǵalar - 28. Al satyp alý indeksi - 50,8. Bul - ortasha jalaqyǵa ómir súretin qazaqstandyqtar Niý-Iork turǵyndarymen salystyrǵanda 49,2%-ǵa az taýar men qyzmet satyp ala alady degen sóz", - deidi sarapshylar.
Basqa memleketter qai orynda?
TMD elderi arasynda Qazaqstannan joǵary orynda Armeniia, Moldova jáne Ázerbaijan tur (olarda qymbatyraq), al tómengi orynda Qyrǵyzstan, Belarýs, Ózbekstan jáne Resei tur.
Álem boiynsha eń joǵary ómir súrý quny Shveitsariia jáne Islandiiada tirkelgen. Eń tómen kórsetkishter Pákistan, Liviia jáne Mysyrda.
Eldegi baǵa boiynsha ahýal qandai?
Qazaqstandaǵy baǵaǵa kelsek, 2025 jyldyń sáýirinde eldegi taýarlar men qyzmetter bir aida 1,2%-ǵa, bir jylda 10,7%-ǵa qymbattaǵan.
Naqty sanattar boiynsha:
-
Azyq-túlik pen alkogolsiz sýsyndar 8,3%-ǵa;
-
Kiim men aiaq kiim 11%-ǵa;
-
Turǵyn úi qyzmetteri, sý, elektr, gaz jáne otyn túrleri 15,8%-ǵa;
-
Densaýlyq saqtaý qyzmetteri 14,8%-ǵa;
-
Kólik qyzmetteri 7%-ǵa;
-
Bailanys 17,3%-ǵa;
-
Mádeniet pen demalys 16,8%-ǵa;
-
Turǵyn úidi jalǵa alý 15,3%-ǵa;
-
Qoǵamdyq tamaqtaný men qonaqúi qyzmetteri 12,6%-ǵa qymbattady.
2025 jyly birinshi toqsanda qazaqstandyqtardyń ortasha ailyq jalaqysy 423,1 myń teńge boldy, bul 2024 jylmen salystyrǵanda 10,7%-ǵa joǵary.
Óńirler boiynsha eń joǵary jalaqy Atyraý, Mańǵystaý jáne Ulytaý oblystarynda tirkeldi. Eń tómengi jalaqy Soltústik Qazaqstan, Jetisý jáne Jambyl oblystarynda.
