Baýyrjan QULJABAEV,
Almaty ýniversitetiniń rektory
Elbasymyz N.Á.Nazarbaevtyń júrip ótken tarihi joly – tutas bir urpaqtyń ári táýelsiz memlekettiń tarihy. Táýelsizdigimizdi baiandy etý úshin kúni-túni uiyqtamai qyzmet etken Prezidentimiz elimizdi kórkeitip qana qoimai, ózi 1997 jyly jariialaǵan «Qazaqstan - 2030» strategiialyq baǵdarlamasynda aitylǵandai, Qazaqstandy álemdik oqiǵalardyń qaltarysynda qalyp qoimaityn memleket dárejesine kóterdi. Búgingi tańda Qazaqstan Respýblikasy álemniń aldyńǵy qatarly 50 memleketiniń qataryna qosylyp, halyqaralyq arenada mańyzdy saiasi salmaqqa ie boldy. Memleketimizdiń joǵarylai túsken saiasi mártebesi – Elbasymyz N.Á.Nazarbaevtyń da álemdik deńgeidegi saiasi mártebesin áigilep berdi. Sondyqtan da, partiianyń sailaýǵa N.Á.Nazarbaevtyń kandidatýrasyn usynýyn quptai otyryp, Eldikti bekem etken tulǵanyń jetekshiligi memleket úshin áli de qajet dep bilemin. Onyń da óz sebepteri bar. Birinshiden, Nursultan Ábishuly Nazarbaev – álemdik deńgeidegi saliqaly saiasatker, álemdik saiasi oiyndar men geosaiasi aimaqtyń tamyrshysy, bolýy múmkin álemdik ózgerister men ekonomikalyq silkinisterdiń erteńin naqty boljai biletin suńǵyla strateg.
Ekinshiden, osynaý bir aýmaly-tókpeli zamanda daliǵan Eýraziia keńistigindegi geosaiasi teketirester arasynan táýelsizdikti baiandy etýdiń san túrli amaldaryn jasap, sonyń bir baǵyty retinde aqyryndap «Túrik birligi» ideiasyn kóterip, ony naqty tarihi qadamdar arqyly nyǵaityp kele jatqan Elbasymyz N.Á.Nazarbaev – túrki dúniiasynyń Uly kósemi. Búgingi tańda, QR Prezidenti N.Á.Nazarbaevtyń basshylyǵymen júrgizilgen túrik memleketterin mádeni-rýhani qundylyqtary negizinde jaqyndastyrý saiasaty, elimizdi Ortalyq Aziianyń kóshbasshysyna ainaldyrý ideiasy óz jemisin berip otyr. Qazaqstandaǵy Iassaýi atyndaǵy Halyqaralyq qazaq-túrik ýniversitetiniń qyzmeti, 2009 jyly Túrkiianyń beldi qoǵamdyq uiymy «Túrik oshaqtary» tarapynan N.Nazarbaevqa «Túrki álemine qyzmet» marapatynyń berilýi, Túrik elderi aqsaqaldar keńesiniń qurylýy jáne Astanada Túrik dúniesi akademiiasynyń ashylýy, sondai-aq, Ankara qalasyndaǵy «Jastar» saiabaǵyna N.Nazarbaev eskertkishiniń ornatylýy, Túrkiia eks-Prezidenti A.Gúldiń N.Nazarbaevty «Túrkitildes halyqtardyń kóshbasshysy» dep baǵalaýy – Elbasynyń túrki álemin biriktirý, ekonomikalyq jáne mádeni salalardy tyǵyz bailanystyrý jolyndaǵy tarihi eńbegine berilgen ádiletti baǵa boldy. Túrki memleketteriniń birligi – Qazaqstan úshin de, ózge túrik memleketteri úshin de asa mańyzdy.
Úshinshiden, Elbasymyz N.Á.Nazarbaev – Qazaqstandy meken etken 120-dan asa ulttar men ulystardyń basyn qosyp, birligine uiytqy bolǵan, olardyń barlyǵynyń qurmetine bólengen tulǵa.
Tórtinshiden, Elbasymyz N.Á.Nazarbaev – ata-babamyzdyń amanatyna adal, jolyna berik, el tarihy men ádebietin tereń biletin ári ony qasterlep, damytyp otyrǵan úlken rýhaniiat egesi.
Búgingi tańda, Elbasynyń «Qazaqstan joly – 2050: Bir maqsat, bir múdde, bir bolashaq» atty strategiialyq baǵdarlamasynda aitylǵan «Máńgilik El» ulttyq ideiasy – qazaq ultynyń qazirgi maqsat-múddesine jáne Qazaqstandy ortaq Otan etken júzden astam ulttar men ulystardyń ulttyq ideiasyna negizdelgen jasampaz ideologiia bolady degen oidamyz
Besinshiden, bilim men ǵylym salasynda júrgen bizder úshin Elbasynyń bilim berý júiesinde jasaǵan reformasy asa mańyzdy. Qazaqstannyń ǵalymdary men jas bilimgerlerine jasap otyrǵan qoldaýy, halyqaralyq bilim baǵdarlamalary men qazaqstandyq bilim berý júiesi arasyndaǵy integratsiia, «bilim – adamnyń, adam – memlekettiń kapitaly» ustanymyna sáikes júrgizilgen saiasat búginde óz jemisin bere bastady. Qazaqstan joǵary oqý oryndary beretin úsh satyly bilim diplomdarynyń álemniń aldyńǵy qatarly elderinde moiyndala bastaýy munyń aiqyn kórinisi.
Búgingi tańda, Elbasynyń «Qazaqstan joly – 2050: Bir maqsat, bir múdde, bir bolashaq» atty strategiialyq baǵdarlamasynda aitylǵan «Máńgilik El» ulttyq ideiasy – qazaq ultynyń qazirgi maqsat-múddesine jáne Qazaqstandy ortaq Otan etken júzden astam ulttar men ulystardyń ulttyq ideiasyna negizdelgen jasampaz ideologiia bolady degen oidamyz. Munyń barlyq alǵysharttary da qalyptasyp otyr. Óitkeni, Máńgilik El jalpyulttyq ideiasy – Qazaqstanda turyp jatqan árbir otbasyǵa ótkenin umytpai, keleshegine kemel senimmen qaraýdy amanattaidy.
Eń bastysy, Qazaqstan Respýblikasynyń Prezidenti Nursultan Nazarbaev «Nur Otan» partiiasynyń kezekti XVI sezinde sóilegen sózinde táýelsiz memleketimizdiń júrip ótken jolyna tarihi baǵa bere otyryp, «qazir júzege asyp jatqan «Qazaqstan-2050» strategiiasynyń basty maqsaty – álemniń eń damyǵan 30 eldiń qataryna qosylý», - dedi. Aldyna osyndai uly maqsat qoiǵan Elbasy N.Á.Nazarbaevty barsha halyq qoldaidy degen senimdemin.
