Qatysýshylarǵa qoǵamdaǵy ózekti áleýmettik máseleni qysqametrajdy film arqyly beinelep, ony sheshýdiń tyń jolyn kórsetý tapsyryldy. Osy kezeńde Abai oblysy "Bilim innovatsiia" litseiiniń 11-synyp oqýshysy Álisher Ádilhan "Gadjetterge táýeldilik" taqyrybynda 5 minýttan asatyn film usynyp, I oryn iegeri atandy.
Film bir apta ishinde daiyndalǵan. Joba qazaq tilinde túsirilip, aǵylshyn sýbtitrlerimen tolyqtyrylǵan.
Avtordyń aitýynsha, áleýmettik jelide kóp ýaqyt otyrý adamnyń zeiinin tómendetedi. Osy oidy kórneki túrde jetkizgen jumysy joǵary baǵalanyp, 2 mln teńge kólemindegi bas júldege laiyq dep tanyldy.
Álisher Ádilhan bolashaqta jobasyn jetildirip, filmge ata-analar beinesin qosýdy josparlap otyr.
"El Umiti" – jasóspirimderdiń qabiletin shyńdap, sport, bilim, eriktilik, ekologiia, ulttyq mura siiaqty salalarda ózin-ózi jetildirýge jol ashatyn mańyzdy respýblikalyq platforma.
