قاتىسۋشىلارعا قوعامداعى وزەكتى الەۋمەتتىك ماسەلەنى قىسقامەتراجدى فيلم ارقىلى بەينەلەپ، ونى شەشۋدىڭ تىڭ جولىن كورسەتۋ تاپسىرىلدى. وسى كەزەڭدە اباي وبلىسى "ءبىلىم يننوۆاسيا" ليسەيىنىڭ 11-سىنىپ وقۋشىسى الىشەر ءادىلحان "گادجەتتەرگە تاۋەلدىلىك" تاقىرىبىندا 5 مينۋتتان اساتىن فيلم ۇسىنىپ، ءى ورىن يەگەرى اتاندى.
فيلم ءبىر اپتا ىشىندە دايىندالعان. جوبا قازاق تىلىندە ءتۇسىرىلىپ، اعىلشىن سۋبتيترلەرىمەن تولىقتىرىلعان.
اۆتوردىڭ ايتۋىنشا، الەۋمەتتىك جەلىدە كوپ ۋاقىت وتىرۋ ادامنىڭ زەيىنىن تومەندەتەدى. وسى ويدى كورنەكى تۇردە جەتكىزگەن جۇمىسى جوعارى باعالانىپ، 2 ملن تەڭگە كولەمىندەگى باس جۇلدەگە لايىق دەپ تانىلدى.
الىشەر ءادىلحان بولاشاقتا جوباسىن جەتىلدىرىپ، فيلمگە اتا-انالار بەينەسىن قوسۋدى جوسپارلاپ وتىر.
"El Umiti" – جاسوسپىرىمدەردىڭ قابىلەتىن شىڭداپ، سپورت، ءبىلىم، ەرىكتىلىك، ەكولوگيا، ۇلتتىق مۇرا سياقتى سالالاردا ءوزىن-وزى جەتىلدىرۋگە جول اشاتىن ماڭىزدى رەسپۋبليكالىق پلاتفورما.
