Depýtat Anas Baqqojaev IT salasynyń ózekti máseleleri kóterilgen jiynda Astana-hab pen Almatydaǵy tehnoparkke bólingen qarajattyń tiimdiligine kúmán keltirdi, dep habarlaidy Dalanews.kz.
Baqqojaevtyń pikirinshe, elimizde burynnan iske asyrylǵan memlekettik baǵdarlamalardyń kópshiligi nátijege jete almai keledi.
“Muraǵatty aqtaryp qarasańyz, bizde qabyldanǵan baǵdarlamalardyń bári derlik jarty jolda qalyp qoiǵan. Tehnoparkterdiń óz-ózin aqtaýy tiis delingen. Biraq olardyń qurylǵanyna 10 jyl bolsa da, ýáde oryndalmady. Salyq jeńildikteri berildi, qomaqty qarjy bólindi. Biraq bul qarjy qaida jumsaldy? Keshe ǵana Perizat Qairat 1,5 milliard teńgeni jymqyrdy dep búkil el shýlap jatty. Al munda milliardtaǵan qarajattyń qaida ketkeni belgisiz. Biz taǵy 10 jyl kútip, qaitadan osy suraqty kótermeitinimizge kim kepil?”, – dedi Baqqojaev.
Onyń bul saýalyna jaýap bergen tsifrlyq damý, innovatsiialar jáne aeroǵarysh ónerkásibi birinshi vitse-ministri Qanysh Tóleýshin biýdjet qarajatyn azaitý baǵytynda jumys júrgizilip jatqanyn aitty.
“Biz qazir óńirlik habtardy qoldaý úshin arnaiy baǵdarlamalar usynyp jatyrmyz. Ótken jyldan beri elimizdiń 10-nan astam aimaǵynda jańa habtar ashyldy. Endi qarjyny sol óńirlerge bólýdi josparlap otyrmyz. Eger qoldaý jalǵassa, biýdjetke júktemeni azaitýǵa baǵyttalamyz, – dedi vitse-ministr.
Alaida onyń jaýaby depýtattyń kóńilinen shyqpaǵandai boldy.
Aita keteiik, buǵan deiin depýtat jergilikti ózin-ózi basqarý máselesi talqylanǵan Májilistegi qoǵamdyq palata otyrysynda aýyl ákimderiniń quzyreti máselesin kótergen edi.
“Menińshe, aýyldarda eshteńeni ózgertýdiń keregi joq. Qazir bári jaqsy. Nege jumys istemei jatyr? Ákimderden bastaiyq. Qazir aýyl ákimderiniń bedeli joq. Eshqandai bedeli joq. «Shodqa» eshkim kelmeidi deidi. Ákimder shaqyrady, adamdar kelmeidi. Jinalatyny on-aq adam. Al aýylda bir as bersinshi, qudaiy tamaqqa bári jinalady. Nege? Sebebi ol jerde qyzyq. Áńgimelesedi, oi bólisedi. Bir-birin tyńdaidy. Tamaǵyn jeidi, sebebi paidasy bar. Ákimderdiń jinalysyna kelmeidi, óitkeni paidasy joq. Ákimderdiń bedeli de, quzireti joq. Aýdan ákimderi shaqyryp alady. Kúnde jinalys. Videokonferentsiia tursa da, kún de jiyn. Kedeidiń keńesi bitpeidi deidi. Qashan ol ákim halyqpen jumys isteidi. Halyq aryzyn jazady. Al ákimniń aqshasy joq. Ol ne sheshedi? Halyq sol úshin ákimge kelmeidi”, – dedi ol Ulysmedia.kz-ke.
