El eski-qusqy kólikpen júr. Jurtqa kólik jańartýǵa múmkindik berý kerek - Smaǵulov
Smaǵulovtyń sózinshe, Qazaqstandyq avtobiznes qaýymdastyǵy indýstriia jáne infraqurylymdyq damý ministrligine osy usynysyn jetkizgen. IIDM óz kezeginde bul usynysty qarastyrý úshin ony ulttyq ekonomika ministrligine joldap jiberipti.
BJZQ aqshasyn baspanaǵa ǵana emes, Qazaqstanda jasalǵan avtokólikti alýǵa da jumsaý múmkindigi berilsin degen usynys jasadyq. Árine, halyqqa eń keregi baspana, biraq eski kóliginen ábden sharshaǵan, nemese qara jaiaý júrgenderdiń taǵy bir armany jańa kólik.
Halyqqa kóligin jańartýǵa múmkindik berilýi tiis dep oilaimyz. Bul ideiany kólik shyǵarýshylar da avtokompaniialar da qoldaýy kerek, – degen eken Smaǵulov.
...
Budan buryn jýrnalist Ibrash Núsipbaev "Nurlan Smaǵulovtyń kesirinen qara halyq qaýsaǵan, tozyǵy jetken kólikpen júrýge májbúr" dep jazǵan.
Dalanews.kz-ke usynǵan maqalasynda áriptesimiz "otandyq avtokólik naryǵyndaǵy básekelestikti besiginde tunshyqtarǵan Smaǵulov alys-jaqyn shetelden jańa kólik kirgizýge jany qas. Sebebi «jan baǵyp» otyrǵan biznesin joǵaltqysy kelmeitinin" aitqan edi.
«Astana Motors» aldaǵy jyly Hiýndai kóligin qurastyratyn iri zaýyt ashamyz dep alaqailady. «Alǵashqy satyda zaýyt jylyna 30 myń kólik quraidy. 2023 jyly 45 myń kólik quraityn qarqynǵa jetpek. Jańa zaýyt júzdegen adamdy jumysqa alyp, áleýmettik ahýaldy túzeýge atsalysady» degen aqparatty kózim shalyp qaldy.
Kúleiin be, jylaiyn ba? Myna jańalyqty oqyp, bizdegi biznes pen bilik ókilderinde taýyqtyń miyndai mi joqtyǵyna kezekti ret kóziń jetedi», – deidi áriptesimiz.
Jýrnalistiń pikirinshe bilik jáne bilikpen aýyz jalasqan biznes ókilderi kózboiashylyqty ǵana jete meńgergen. «Astana Motorstyń» jumyssyzdyq kórsetkishin azaitýdaǵy úlesi teńizge tamǵan tamshydai ǵana. Kompaniia memleketke masyl, óz kúnin ózi kóretin jaǵdaiǵa jetken joq, jetpeidi de.
